Фото: globallookpress.com
Синоптиктер Қазақстанның 2022 жылдың 31 желтоқсаны мен 2023 жылдың 1, 2 қаңтарына арналған ауа райы болжамын ұсынды, - деп хабарлайды "Ұлт ақпарат".
Болжамға сәйкес, Қазақстанның ауа райы Атлантикалық циклон және онымен байланысты атмосфералық фронттарға байланысты болады, еліміздің солтүстік-батысында, солтүстігінде, орталығында және шығысында қар жауады, бұрқасын, екпінді жел соғады, республиканың батысында, оңтүстігінде, оңтүстік-шығысында жауын-шашын жаңбыр мен қар түрінде, тұман, көктайғақ күтіледі.
"1 қаңтарда еліміздің оңтүстік-шығысында қатты жауын-шашын (жаңбыр, қар) күтіледі. Ауа температурасы түнде батыста 1-6 градус аяздан 3 градус аяз-2 градус жылыға дейін жоғарылайды, ҚР солтүстігінде, орталығында, шығысында 5-20 градус аяздан 10-25 градус аязға дейін аздап төмендейді, оңтүстікте, оңтүстік-шығыста 0-10 градус аяздан 3-15 градус аязға дейін біртіндеп төмендеуі болжанады", - делінген хабарламады.
1258 рет оқылды
