Синоптиктер 4-6 тамызға арналған ауа райы болжамын жариялады, - деп хабарлайды "Ұлт ақпарат".
Солтүстік антициклон жотасы республиканың солтүстік жартысына ықпал етеді, сондықтан алдағы күндері солтүстік аймақтарда негізінен құрғақ және шуақты, ал түнде салқын болады.
"Атмосфералық фронталь бөлімдер біртіндеп оңтүстікке қарай жылжып, орталықта, шығыста және елдің оңтүстік жартысында жауын-шашынның сақталуына ықпал етеді, таулы аймақтарға жақындаған кезде фронттар күшейіп, жаңбыр жауады. Күн күркірейді, бұршақ жауып, қатты жел болады деп болжанады", - делінген хабарламада.
Ауа температурасы: күндіз батыста +28 +34°С, оңтүстік-батыста +30 +38°С, солтүстік-батыста +25 +33°С, солтүстікте, шығыста +22 +28°С, орталықта +20 +25°С, оңтүстікте, оңтүстік-шығыста елдер +28 +35°С шегінде, тауларға жақын +22°С болады.
1200 рет оқылды
