Фото: pexels.com
Әскери-теңіз операцияларының басшысы 2027 жылға қарай Қытайға қарсы әскери іс-қимылдар жүргізуге дайындық жоспарларын жариялады.
АҚШ Әскери-теңіз операцияларының басшысы адмирал Лиза Франкетти навигациялық жоспарды (NAVPLAN) жариялаған, онда екі стратегиялық мақсат көрсетілген:
- 2027 жылға қарай Қытаймен ықтимал соғысқа дайын болу;
- ӘТФ-тің ұзақ мерзімді артықшылығын нығайту.
Бұған қоса, жоба флотты қызмет көрсетуге байланысты кешігулерді жою, робототехниканы арттыру, жаңа командалық орталықтарды құру, негізгі инфрақұрылымды қалпына келтіру, сондай-ақ күштерді оқыту және "соғыс алаңына көбірек ойыншыларды тарту" сияқты мақсаттарды қамтиды.
Өзінің жоспарында Франкетти екі жыл бұрын ҚХР төрағасы Си Цзиньпиннің 2027 жылға қарай республиканың армиясын "әлемдік деңгейге" жеткізуге шақырған мәлімдемесіне назар аударған. Сол кезде Си елдің әскерді дайындауды күшейтіп, барлық бағыттарда жауынгерлік дайындықты арттыруға ниетті екенін айтты. Бұған дейін Қытай төрағасы соғысқа дайындыққа басымдық беруге шақырған болатын.
Батыс елдері Тайваньға қатысты Қытай саясатын бірнеше рет сынға алып, аралға басып кіру жағдайында әскери шаралармен қорқытқан. 2022 жылы қабылданған Солтүстік Атлантика альянсының тұжырымдамасында Қытай "жүйелі қауіп" деп аталды.
2023 жылдың шілдесінде жасалған мәлімдемеде Қытайдың "амбициялары мен мәжбүрлеу саясаты біздің мүдделерімізге, қауіпсіздігімізге және құндылықтарымызға қауіп төндіреді" делінген болатын.
Айта кетейік, 2022 жылдың күзінде ОББ Қытай лидері өз әскери күштеріне 2027 жылға қарай Тайваньды әскери бақылауға алуға дайындалуға тапсырма бергенін хабарлаған еді.
2676 рет оқылды
