Ақ қан дертінен емделіп жүрген жүзу жұлдызы Рикако Ики Токиодағы Олимпиадалық ойындардың 4x100 метрлік әйелдер кешенді жүзу эстафетасына жолдама алды. Ол Жапония ұлттық чемпионатында 100 метрге баттерфляй әдісімен жүзуде жеңіске жетті, деп хабарлайды Kyodo News агенттігі.
Айки Tokyo Aquatics Center - жүзу бойынша олимпиада кешенінде 57,77 секундта мәре сызығын қиғаннан кейін қуаныштан көзіне жас алды. Оған кешенді эстафетадағы орын үшін 57,92 секунд керек еді, ал 57,10 – 100 метрге баттерфляй әдісімен жүзу бойынша осы жазда Жапонияда өтетін жарыс үшін Жапондық жүзу федерациясы талап ететін норматив.
«Мен жүздікте жеңіске жетемін деп ойламадым. Бес жыл бұрынғы біліктілігіме қарағанда қазір өзіме сенімсіз едім, алыс болашақта ғана жеңе аламын деп ойладым», - деді Айки.
«Бірақ мен жеңу үшін жаттықтым: жарысқа қатысып жатқан кезде өзіме «Мен қайтып келдім» деп айттым».
Ики көшбасшы Аи Сомаға жеткенше бұрылу кезінде екінші болды, артынша ең жылдам жартылай финалист Сузуку Хасэгаванадан 0,41 секундқа асып, есте қаларлықтай жеңіске жетті.
717 рет оқылды
