Jylqylaryn urlady dep Rahat Sársenovke aiyp taqqan kásipker Tájiǵali Eleýov ózine qatysty aitylǵan pikirlerge jaýap berdi, dep habarlaidy ult.kz.
Kásipker zańger Aigúl Orynbekke bergen suhbatynda daýǵa qatysty óz nusqasyn aityp, buǵan deiin Rýslan Ótepbaidyń jasaǵan málimdemesin synǵa aldy.
«Men bilimsizbin, saýatym joq dep otyr. Biraq ol jaqsy biledi, oryssha da sóileidi. Rýslan Ótepbai tek Rahat jaqty tyńdap, birjaqty málimdeme jasady. 2016 jyldary olarǵa ortalyqtan úi alyp berdim. Sol kezde Rahattyń Valia degen aspazy boldy. Artynan ekeýiniń kóńildes bolǵany aityldy. Rahattyń balalary menen jylqynyń qaida ketkenin suraidy. Men qaidan bilemin, ákelerinen surasyn. Al sol Valia aspazdyń aqshasymen qaladan úi saldy. Túsiniksiz másele óte kóp», – dedi Tájiǵali Eleýov.
Onyń aitýynsha, jylqyǵa qatysty daýda kópshilik máseleniń bir ǵana taraptyń sózine súienip talqylanyp jatqanyn atap ótti.
