Aqtóbe oblysynda júrgizýshi kýáligin emtihansyz alyp beremin degen ýádege sengen 27 jastaǵy turǵyn alaiaqtyń qurbany boldy, dep habarlaidy ult.kz.
Polisia.kz málimetinshe, jyl basynan beri óńirde júrgizýshi kýáligin zańsyz rásimdep beremin degen jeleýmen jasalǵan 56 alaiaqtyq deregi tirkelgen.
Kezekti jaǵdaida jábirlenýshiniń tanysy oǵan 300 myń teńgege «V» jáne «S» sanatyndaǵy júrgizýshi kýáligin esh qiyndyqsyz alyp berýge ýáde etken. Alaida aqshany alǵannan keiin ýádesin oryndamai, qarajatty iemdenip ketken.
Jedel izdestirý sharalary barysynda kúdikti anyqtalyp, politsiia bólimine jetkizildi. Atalǵan fakti boiynsha sotqa deiingi tergeý júrgizilip jatyr.
Politsiia azamattarǵa júrgizýshi kýáligi Qazaqstanda tek zańda belgilengen tártippen beriletinin eske saldy. Ol úshin tiisti oqýdan ótip, teoriialyq jáne praktikalyq emtihandardy sátti tapsyryp, qujattardy ýákiletti memlekettik organdar arqyly rásimdeý qajet.
Quqyq qorǵaý organdary emtihansyz nemese zańsyz jolmen júrgizýshi kýáligin alyp berýge ýáde etetin adamdarǵa senbeýge shaqyrady. Mundai usynystardyń artynda kóbine alaiaqtyq áreketter turady.
