Almatyda kommýnaldyq qyzmetkerlerdi jumys ýaqytynda demalyp otyr dep videoǵa túsirgen turǵynǵa qatysty ákimshilik hattama toltyryldy, dep habarlaidy ult.kz.
Áielge eki bap boiynsha hattama rásimdelgen. Onyń biri — usaq buzaqylyq. Al ekinshi hattama itin tumyldyryqsyz serýendetýine bailanysty jasalǵan.
Osy quqyq buzýshylyq úshin turǵynǵa 10 ailyq eseptik kórsetkish, iaǵni 43 250 teńge kóleminde aiyppul salynǵan.
Buǵan deiin áleýmettik jelide áieldiń shóp ústinde otyrǵan kommýnaldyq qyzmetkerlerdi videoǵa túsirip, olardyń jumys istemei otyrǵanyn synaǵan videosy taraǵan edi.
Keiin Almaty ákimdigi qyzmetkerlerdiń sol ýaqytta zańdy túski úziliste bolǵanyn habarlaǵan.
Oqiǵa áleýmettik jelide qyzý talqylanyp, jeli qoldanýshylarynyń pikiri ekige bólingen.
