Aqtóbede bopsalaý deregi boiynsha 33 jastaǵy áiel ustaldy, dep habarlaidy ult.kz.
Polisia.kz málimetinshe, Aqtóbe oblysy politsiia departamentiniń uiymdasqan qylmysqa qarsy kúres basqarmasynyń qyzmetkerleri kúdiktini 100 myń teńge alyp jatqan sátte qolǵa túsirgen.
Tergeý málimetinshe, jábirlenýshi áielmen TikTok áleýmettik jelisi arqyly tanysqan. Keiin ekeýiniń arasynda jaqyn qarym-qatynas ornaǵan.
Alaida arada biraz ýaqyt ótken soń áiel er adamnan aqsha talap etip, talap oryndalmaǵan jaǵdaida ony zorlady degen jalǵan aryz jazatynyn aityp qorqytqan.
Jábirlenýshiniń aitýynsha, osy qysymnyń saldarynan ol kúdiktige alǵashynda 300 myń teńge bergen. Keiin áiel taǵy 100 myń teńge talap etken. Kezekti aqshany alý kezinde ol politsiia qyzmetkerlerine ustaldy.
Atalǵan fakti boiynsha Qylmystyq kodekstiń bopsalaý babymen sotqa deiingi tergep-tekserý bastaldy. Qazir qajetti tergeý áreketteri júrgizilip jatyr.
Politsiia azamattardy qorqytyp aqsha nemese múlik talap etý aýyr qylmys sanalatynyn eskertip, mundai jaǵdaiǵa tap bolǵan jaǵdaida quqyq qorǵaý organdaryna dereý habarlasýǵa shaqyrdy.
