Almatyda jol-kólik oqiǵasynan keiin memlekettik nómiri joq kólikpen oqiǵa ornynan ketip qalǵan júrgizýshi jaýapqa tartyldy, dep habarlaidy ult.kz.
Oqiǵaǵa qatysty taraǵan beinejazbadan keiin Almaty qalasynyń Politsiia departamenti túsinikteme berdi. Tártip saqshylary Raiymbek dańǵylynda jol qozǵalysy erejelerin óreskel buzǵan Hyundai Elantra júrgizýshisin anyqtap, ustaǵan.
Politsiia málimetinshe, 23 jastaǵy Almaty turǵynynyń kólik basqarý quqyǵy bolmaǵan.
Oǵan manevr jasaý erejesin buzý, memlekettik tirkeý nómirinsiz kólik júrgizý, kólik áinekterin kúńgirtteý, jol tańbalarynyń talaptaryn saqtamaý jáne kólik basqarý quqyǵy joq bola tura rólge otyrý boiynsha birneshe ákimshilik hattama toltyrylǵan.
Sonymen qatar jol-kólik oqiǵasyna qatysty jinaqtalǵan materialdar Almaty qalasynyń mamandandyrylǵan aýdanaralyq ákimshilik sotyna joldanǵan.
Sot sheshimimen júrgizýshi 30 táýlikke ákimshilik qamaqqa alyndy. Budan bólek, oǵan 100 AEK, iaǵni 2026 jylǵy mólshermen 432 500 teńge kóleminde aiyppul salyndy.
