Ereimentaý aýdanynda «Rýhani jańǵyrý» baǵdarlamasy aiasynda «Ólke tarihy – El tarihy» jyljymaly fotokórmesi ótti.
Jinalǵandardyń aldynda quttyqtaý sózimen aýdandyq arhiv direktory sóz sóilep, fotokórmeni ashty. Kórmege aýdan ákimi Nuǵmanov Ermek Bekenuly, máslihattyń depýtattary jáne hatshylary, aýdannyń qurmetti azamattary, memlekettik uiymdardyń qyzmetshileri, mektep muǵalimderi men oqýshylary, kolledj stýdentteri qatysty.
Kórmege kelýshiler is-sharadan úlken áser alyp, óz lebizderin pikirler kitabynda qaldyrdy.
Kórmeniń basty maqsaty - týǵan ólkemizdiń, elimizdiń damý tarihynda alatyn orny týraly fotoarhivtik qujattary arqyly jastardyń bilimin keńeitý, patriottyq sezimin qalyptastyrý.
Sondai-aq, kishi Otanynyń damý tarihyn sipattaityn arhivtik-fotografiialyq qujattardy jáne onyń eldiń damýyndaǵy rólin bilý.
Aita ketsek, bul joba Kókshetaý qalasynda bastalyp, óńirdiń barlyq aýdandaryna estafetamen beriledi. Kóshpeli kórme árbir aýdanda bolyp, kópshilikke usynylady. Kórme eldiń ótkeni ǵana emes, búgingi tirshiligin de qamtidy» dedi ol. Kórmede táýelsizdik jyldaryndaǵy eldiń jarqyn kelbeti men eńbegi de keńinen kórinis tapqan.
«Ólke tarihy – el tarihy» jobasy eki kezeńde júzege asyrylady. Alǵashqysynda 1991-shi jylǵa deiingi ár aýdannyń tarihy qamtylsa, ekinshi kezeńinde Táýelsizdik jyldaryndaǵy óńir tarihy tanystyrylady. San ǵasyrlar sorabyn tarihpen áspettep, taiǵa tańba basqandai ótkenińdi ekshep, búginińdi saralap otyratyn osyndai qundy dúnielerdiń adam ǵumyrynda atqarar róli orasan. Bul kórmege táýelsizdik alǵan jyldardan bastap kúni búginge deiin sýretter qoiylǵan.
