Aqmola oblysyndaǵy Aqkól qalalyq aýdandyq mádeniet úiiniń ǵimaratynda «Ólke tarihy – El tarihy» jyljymaly kórmeniń saltanatty ashylýy ótti. Is-sharany qazaqtyń ulttyq biimen «Smail» aýdandyq mádeniet úiiniń bi ansambli ashty. Kórmege jinalǵan qaýym aldynda Aqkól aýdany ákiminiń orynbasary G.E.Ábilhairova jáne aýdandyq arhiv direktory S.Sh.Jýsýpov sóz sóiledi.
Kórmege aýdan ákiminiń orynbasarlary V.V.Eliseev, Iu.V.Kýrýshin, oblystyq máslihattyń depýtaty V.N.Simchýk, Aqkól aýdanynyń qurmetti azamattary, qala jáne aýdan uiymdarynyń basshylary men qyzmetkerleri, aýyldyq okrýg ákimderi jáne qala men aýyl turǵyndary, pedagogikalyq ujymdar, mektep oqýshylary, agrotehnikalyq kolledj stýdentteri, №1 Aqkól balalar úiiniń tárbielenýshileri, áskeri bólimniń áskeri qyzmetshileri qatysty.
«Ólke tarihy – El tarihy» fotokórmesi sondai-aq Shortandy aýdanynda jalǵasyn tapty.
Fotokórme Shortandy aýdandyq mádeniet úiinde uiymdastyryldy. Ashylý saltanatynda aýdan ákimi Sadvakasova Gýlnýr Anýarbekovna sóz sóiledi. Óz sózinde atalmysh is-sharalar óskeleń urpaqtyń patriottyq tárbieleýine zor yqpal atqaratynyn atap ótti.
Sonymen qatar kórmege aýyldyq jáne poselkilik okrýg ákimderi, memlekettik qyzmetshiler, jergilikti turǵyndar, Shortandy kentiniń mektep muǵalimderi men oqýshylary qatysty.
Is-shara barysynda kelýshiler estelikke foto jasap, jaqsy áser alǵandaryn jáne kórme uiymdastyrýshylaryna óz alǵystaryn bildirip oblys tarihy týraly kóbirek aqparat alǵanyna qýanyshty ekenin aitty.
Aita ketsek, bul joba Kókshetaý qalasynda bastalyp, óńirdiń barlyq aýdandaryna estafetamen beriledi. «Ólke tarihy - El tarihy» jobasynyń basty maqsaty – kishi Otanynyń damý tarihyn sipattaityn arhivtik-fotografiialyq qujattardy jáne onyń eldiń damýyndaǵy rólin bilý.
