Oblys ákimi Danial AHMETOV pen Eýropalyq qaita qurý jáne damý bankiniń Qazaqstandaǵy ókildiginiń direktory Djanet Hekman Óskemen qalasynyń jylýmen qamtý júiesin jańǵyrtý jobasy boiynsha aldyn ala kelisimge qol qoidy.
Aimaqtyq damý baǵdarlamasynyń jalǵasy retinde aldyn ala bekitilgen kelisim aiasynda Óskemen qalasynyń jylýmen qamtý júiesin jańǵyrtý jumystaryn 5 mlrd. teńge kóleminde qarjylandyrý qarastyrylǵan. Sonyń ishinde Eýropalyq qaita qurý jáne damý bankinen 3 mlrd. teńge bólý kózdelip otyr.
Atap aitarlyǵy, atalmysh jobany qarjylandyrýǵa sonymen birge, Úkimetten bólinetin granttyq qarjylar men jergilikti biýdjettiń qarjysy da kiristirilgen. Nesie tek EQDB tarapynan bólingen qarjy boiynsha ǵana qaitarylatyn bolady. Oblys ortalyǵynyń jylýmen qamtý júiesin jańǵyrtý barysynda jylýmen qamtý jelilerin salý men tolyq jóndeý qarastyrylady jáne osy maqsatta qoldanylatyn arnaiy tehnikalar satylyp alynbaq.
Osy bank arqyly beriletin investitsiia ortalyq jylý torabyn jáne sorǵy stantsiialaryn avtomattandyrýǵa, jeke jylý toraptarynda tuiyq júielerdi engizý arqyly qubyrlardy qalpyna keltirip, jylýdy joǵaltýdy azaitýǵa jáne energiiany qoldanýda tiimdilikti arttyrýǵa baǵyttalady. Budan basqa arnaiy kólik quraldary parki jáne qural-jabdyqtar jańartylyp, jylý ólsheý quraldary ornatylatyn bolady.
Aýqymdy jobany iske asyrý jylý tasymaldaýshy júielerdiń sapasy men qaýipsizdigin qamtamasyz etip, jylýmen qamtý nysandarynyń jumysyndaǵy apattardyń aldyn alýǵa jáne tutynýshylarǵa úzdiksiz qyzmet kórsetýge múmkindik bermek.
– Biz aldaǵy tiimdi jobalardy júzege asyrýǵa daiynbyz. Bankpen birlesip istegen bes aidaǵy jumystardyń nátijesinde búginge deiin biz quny 28 mlrd. teńgeden asatyn birneshe kelisimge qol qoidyq. Qolǵa alynǵan jobalardyń bári de tiisti baqylaýǵa alynady. Olardyń oblystyń damýynda alatyn mańyzy óte úlken. Osy baǵyttaǵy belsendi de nátijeli qyzmetterińiz úshin rizashylyǵymdy bildiremin. Bul áriptestik bailanys budan ary da jalǵasatyn bolady. Jaqyn ýaqyttarda óńirdiń áleýmettik-ekonomikalyq damýyna serpin beretin jańa jobalar iske asyrylady degen senimdemin, - dedi aimaq basshysy Danial AHMETOV EQDB-nyń Qazaqstandaǵy ókildiginiń direktory Djanet Hekmanmen kezdesý barysynda.
Djanet Hekman Shyǵys Qazaqstan oblysy bank tarapynan investitsiia quiýǵa qolaily óńir retinde qarastyrylatynyn, oblysta iri jobalardy júzege asyrýǵa múmkindikter bar ekendigin atap kórsetti.
– Biz Shyǵys Qazaqstannyń áleýetine senemiz jáne osy jyly jobalar sanyn arttyrýdy josparlap otyrmyz. Atalǵan jobalar oblysta shaǵyn jáne orta biznestiń damýyna jol ashyp, ekonomikanyń alǵa basýyna serpin beredi , - dedi Djanet Hekman.
Buǵan deiin de úsh iri kelisim jasalǵan
Esterińizde bolsa, bul bank ekonomikanyń ártúrli salalaryna investitsiia salyp, kommýnaldyq infraqurylymdy jańartýdy qarjylandyryp keledi. Máselen, byltyr jeltoqsan aiynda oblys ákimdigi men bank arasynda alǵashqy ret Óskemen jáne Semei qalalarynyń ortalyq jylý berý jáne sýmen jabdyqtaý júielerin jańǵyrtý boiynsha eki mańyzdy jobaǵa 11 mlrd. teńge bólý jóninde kelisimge qol qoiǵan bolatyn. Onyń 4,16 mlrd. teńgesin osy bank salyp otyr.
Al aǵymdaǵy jyldyń naýryz aiynda EQDB jáne oblys ákimdigi aimaqtyń eki úlken qalasyndaǵy kóshe jaryǵyn zamanaýi energiialyq tiimdi tehnologiialarǵa aýystyrý týraly quny 7,8 mlrd. teńgelik kelisimge qol jetkizdi. Mundaǵy banktiń úlesi – 5,7 mlrd. teńge. Bul jobalar «jasyl ekonomika» baǵdarlamasyna sáikes energiiany únemdeýge múmkindik beredi.
Taraptar arasyndaǵy úshinshi kelisimge 2016 jyldyń 26-mamyrynda Astana ekonomikalyq forýmynyń aiasynda qol jetkizilip, Óskemen qalasynyń sýmen jabdyqtaý jáne sý tartý júiesin jańǵyrtý jobasyna kelisim jasalǵan-dy. Joba quny – 4,4 mlrd. teńge bolsa, osyndaǵy EQDB úlesi 2,25 mlrd. teńgeni quraǵan edi.
Kezekti aldyn ala kelisimge qol qoiý rásimi aiaqtalǵan soń, EQDB-nyń Qazaqstandaǵy ókildiginiń direktory Djanet Hekman jáne onyń orynbasary Bahtiior Faiziev jáne «Shyǵys Qazaqstan oblysy óńirlik memlekettik-jekemenshik áriptestik ortalyǵy» AQ basqarmasynyń tóraǵasy Shákárim Buqtuǵutov óńirdiń buqaralyq aqparat quraldarynyń ókilderine arnap baspasóz konferentsiiasyn ótkizdi. Mártebeli meimandar aldaǵy ýaqytta aimaqtaǵy qarjy salynýy boljanǵan jobalarǵa toqtaldy. Tilshilerdi qyzyqtyrǵan joba Buqtyrma sý qoimasy arqyly salynatyn kópirdiń jaiy boldy. Djanet Hekman buǵan jaýap retinde banktiń qarjylyq sarapshy mamandary kópir salynatyn aýmaqta tanysý jumystaryn júrgizip jatqanyn aityp, qarjy salý máseleni sonyń qorytyndysy negizinde belgili bolatyndyǵyn jetkizdi.
Eger kópir salý jobasy júzege asatyn bolsa, óńirdiń Kúrshim aýdany aimaǵynda ornalasqan metallýrgiialyq bazany damytýǵa jol ashylmaq.
Sondai-aq, bul kúni Óskemen qalasyndaǵy M.Gorkii kóshesi, 21 mekenjaiynda Eýropalyq qaita qurý jáne damý bankiniń Shyǵys Qazaqstan jáne Pavlodar oblystary turǵyndaryna qyzmet kórsetetin jańa keńsesi ashyldy. Keńseniń ashylý lentasyn saltanatty jaǵdaida Djanet Hekman men Óskemen qalalyq ekonomika jáne biýdjetti josparlaý bóliminiń basshysy Elena Litvinova qidy. Keńse mamandary kelýshiler suraǵan qajetti aqparattarmen bólisti.
– Eýropalyq qaita qurý jáne damý banki iri investitsiialarmen qatar, shaǵyn jáne orta biznestiń damýyn da qoldap keledi ári banktiń basym baǵyttarynyń biri bolyp tabylady. Bul jumys Óskemen qalasynda 2003 jyldan beri jolǵa qoiylǵan. Osy ýaqyt aralyǵynda 221 mańyzdy jobany iske asyrdyq. Tikelei jáne áriptes bankter arqyly qarjylandyrýmen ainalysyp, kásiporyndarǵa damýǵa qajetti noý-haý beremiz. Sol arqyly olardy básekege qabiletti bolýǵa baýlimyz, - dedi Djanet Hekman.
Jańadan ashylǵan jergilikti keńseniń jaýapty sarapshysy Elena Abenovanyń aitýynsha, osy ýaqytqa deiin 207 jergilikti kompaniia jalpy somasy bir million eýradan asatyn grant alǵan. Joǵary suranysqa ie jobalardyń deni aqparattyq tehnologiialarǵa baǵyttalǵan eken. Bir kásipkerge beriletin grant somasy 10 myń eýrodan aspaidy. Eń bastysy, az degende eki jyl kásipkerlik ótili bolýy shart.
Dáýren Allabergenuly
