Eńbek, áleýmettik qorǵaý jáne kóshi-qon komiteti tóraǵasynyń orynbasary Erbolat Abýlhatinniń aitýynsha, jyl saiyn Qazaqstan aýmaǵynda 500 myńnan astam sheteldik jumysqa tartylady, dep habarlaidy QazAqparat.
Bul týraly komitet ókili ortalyq kommýnikatsiialar qyzmetinde ótken brifingide aitty.
«Qazaqstan Respýblikasy jumys kúshin tartatyn memleketterdiń biri bolyp sanalady. Ásirese Ortalyq Aziia memleketterinen, Eýraziialyq ekonomikalyq odaqqa kiretin Qyrǵyz Respýblikasynan keletin eńbek migranttary aýyl sharýashylyǵy salasynda kóp jumys isteidi», - degen Erbolat Abýlhatin Enbek.kz aqparattyq júiesi arqyly sheteldikter de Qazaqstandaǵy beńbek naryǵy týraly málimet jinai alatynyn eske saldy.
«Óz azamattarymyz da, basqa Qyrǵyzstan siiaqty elderdiń azamttary da úiinen shyqpai-aq, Qazaqstan aýmaǵynda qai mamandyqtar boiynsha jumys isteýge múmkindik bar ekenin bile alady.
Jalpy Qazaqstan aýmaǵynyń ishinde bir jyldyń ishinde, iaǵni, jyl saiyn 500 myńnan astam sheteldik odaqtas memleketterden, kórshi elderden jumys istep keledi», - dedi Eńbek, áleýmettik qorǵaý jáne kóshi-qon komiteti tóraǵasynyń orynbasary.
