Jyl basynan beri jol-kólik oqiǵasynan 1860 bala jaraqat alyp, 90 bala qaza tapqan, dep habarlaidy "Ult aqparat".
Bul týraly IIM Ákimshilik politsiia komiteti tóraǵasynyń orynbasary Jandos Muratáliev málim etti.
«Balalardyń jolaýshy ǵana emes, jaiaý júrginshi ekenin de eskerý qajet. Bul rette jaiaý júrginshilerdiń kinásinen bolatyn jol-kólik oqiǵalarynyń negizgi sebepteri – joldy belgilenbegen jerden kesip ótý, baǵdarshamnyń «qyzyl» túsine ótý, jaqyndap qalǵan kóliktiń aldynan kesip ótý siiaqty áreketter. Mysaly, kámeletke tolmaǵandardyń kinásinen biylǵy 7 aida 60-tan astam jol-kólik oqiǵasy tirkelip, 5 bala qaza boldy, 70 jasóspirim túrli jaraqat alǵan», - dedi komitet basshysynyń orynbasary IIM aqparat alańynda.
Onyń aitýynsha, jyl basynan beri respýblika joldarynda kámeletke tolmaǵandardyń qatysýymen 1 621 jol-kólik oqiǵasy tirkelgen (+33%). Saldarynan 90 jasóspirim qaza bolyp (+18%), 1 860 bala jaraqat alǵan (+37%).
«Ótken jyldyń esepti kezeńimen salystyrǵanda jol-kólik oqiǵasynyń sany 15%, qaza bolǵandardyń sany 18% jáne jaraqat alǵandardyń sany 16% ósti. Zardap shekken balalardyń jartysynan kóbi –jolaýshylar. Demek, kóp jaǵdaida eresekter balalardy kólikpen alyp júrýdiń erejesin jii buzady – balalardy arnaiy ustaý quralynsyz nemese beldikti bekitpei tasymaldaǵan», - dedi IIM Ákimshilik politsiia komiteti tóraǵasynyń orynbasary Jandos Muratáliev.
