Jyl basynan beri 432 myń qazaqstandyq eldegi jumyspen qamtý ortalyqtaryna júgingen. Bul týraly «Eńbek resýrstaryn damytý ortalyǵy» AQ prezidenti Dáýlet Arǵyndyqov aitty, dep habarlaidy "Ult aqparat".
Dáýlet Arǵyndyqov ortalyq kommýnikatsiialar qyzmetinde ótken brifingide halyqty jumyspen qamtý ortalyqtarynyń jumysyn jańǵyrtý jáne elektrondyq eńbek birjasyn damytý jumystary qalai iske asyp jatqanyn túsindirdi.
«Aýdandar men qalalardaǵy 203 jumyspen qamtý ortalyǵy jumys izdeýshiler úshin jumyssyz retinde tirkelýge, jumys izdeýge jáne jumysynan aiyrylý boiynsha áleýmettik tólem men ataýly áleýmettik kómek alýǵa qoldaý kórsetedi. Túrli sebeptermen tez jumys taba almaityn azamattarǵa «Eńbek» memlekettik baǵdarlamasy boiynsha biýdjetten sýbsidiialanatyn ýaqytsha jumystar usynady. 2021 jyldyń basynan beri jumys tájiribesi joq 16 myń jas azamat oqý oryndaryn bitirgennen keiin jastar praktikasyna jiberildi. Biliktiligi tómen 110 myńnan astam adam qoǵamdyq jumystarǵa tartylǵan. 16 myń adam áleýmettik jumys oryndaryna ornalastyryldy. 14 myń jumyssyz azamat qysqa merzimdi oqýǵa jiberildi. 2021 jyly Jumyspen qamtý ortalyqtaryna barlyǵy 432 myń adam júgingen», – dedi Dáýlet Arǵyndyqov.
