«Jýsan» operatsiiasy arqyly elge oralǵan áielderdiń 96%-y radikaldy kózqarastan bas tartty. Bul týraly QR Aqparat jáne qoǵamdyq damý ministrligi din isteri komitetiniń tóraǵasy Erjan Núkejanov aityp berdi, dep habarlaidy QazAqparat.
«Destrýktivti dini aǵymdy ustanýshylarmen josparly jumystar jalǵasýda. Bul baǵyttaǵy jumystardy júieli júrgizý úshin «Aqniet» ońaltý ortalyǵynyń bilikti mamandary tartylýda. Respýblika boiynsha dini radikaldy ideologiiadan zardap shekkenderdi teologiialyq-psihologiialyq ońaltýdyń biryńǵai tetikteri engizilgen. Sonymen birge, QMDB imamdary da kómek berýde», - dedi Núkejanov Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, «Jýsan» gýmanitarlyq operatsiiasy arqyly elge oralǵan 188 áieldi ońaltý jáne qaita áleýmettendirý jumystaryna erekshe kóńil bólinýde.
«Búginde júrgizilgen jumys nátijesinde olardyń 95%-y (188 áieldiń 181-i) radikaldy dini kózqarastan bas tartty, al keibireýleri tolyǵymen zaiyrly ómir saltyna kóshti», - deidi Núkejanov.
