Foto: elements.envato.com
Jýrnalisterge jasalǵan arandatýshylyq shabýyldardyń úilestirýshisi ustaldy, - dep habarlaidy "Ult aqparat" Polisia.kz portalyna silteme jasap.
IIM jáne UQK vedomstvoaralyq jedel-tergeý toby BAQ ókilderine shabýyl uiymdastyrǵan kúdikti toptyń jolyn kesti.
"Ustalǵan topqa QR Qylmystyq kodeksiniń 115-baby "Qorqytý", 147-baby "Jeke ómirge qol suǵý", 158-baby "Jýrnalistik qyzmetke kedergi keltirý", 202-baby "Bireýdiń múlkin qasaqana joiý nemese búldirý" jáne 293-baby "Buzaqylyq" boiynsha aiyp taǵylyp otyr.
Arandatýshylyq shabýyldardyń tikelei úilestirýshisi - sheteldik azamat, bilikti haker O.Tokarev Almatyda ustaldy", - delingen habarlamada.
Onyń ýaqytsha turyp jatqan jerinen shabýyldardy basqarý, anonimdi Telegram-akkaýnttarda "tapsyrystar" berý, oryndaýshylardy tabý jáne olardyń aktsiialaryna aqy tóleý júrgizilgen tehnika tabylyp, tárkilengen.
Atalǵan top V.Boreikoǵa, G.Bajkenovaǵa, G.Erǵalievaǵa, S.Ibraevaǵa jáne buqaralyq aqparat quraldarynyń basqa da ókilderine qarsy 30-dan astam arandatýshylyq shabýyl jasaǵan.
Bul – avtokólikti órteý, jýrnalisterge, olardyń týystary men redaktsiialarǵa qoqan-loqqy kórsetý men shabýyldar jasaý, DDoss shabýyldar.
"Qylmystyq top shabýyldarynyń basty maqsaty – jýrnalisterdi qýdalaýdy imitatsiialaý arqyly QR Prezidentin jáne ol júrgizip otyrǵan demokratiialyq reformalardy diskreditatsiialaý.
Kúdikti ýaqytsha ustaý izoliatoryna qamaldy. Tergeý múddesine sáikes basqa málimetter jariia etilmeidi" - delingen habarlamada.
