sýret ashyq derekkózden alyndy
IIM men UQK vedomstvoaralyq jedel-tergeý toby redaktsiialar men BAQ ókilderine jasalǵan shabýyldar deregi boiynsha qylmystyq isti tergeýdi jalǵastyryp jatyr, - dep habarlaidy "Ult aqparat" Polisia.kz basylymyna silteme jasap.
Jýrnalisterge jasalǵan shabýyldardy uiymdastyrýshy jáne bastamashy Qazaqstan azamaty Klebanov (Manevich) Arkadii Sergeevich ekeni anyqtaldy. Ol ustalyp, sottyń ruqsatymen qamaýǵa alynǵan.
Oǵan QR Qylmystyq kodeksiniń 115-shi "Qaýip-qater", 147-shi "Jeke ómirge qolsuǵylmaýshylyqty buzý", 158-shi "Jýrnalistik qyzmetke kedergi jasaý", 202-shi "Bóten múlikti qasaqana joiý nemese búldirý" jáne 293-shi "Buzaqylyq" baptarymen qarastyrylǵan aiyptar taǵyldy.
"Ustalǵan adam istegen áreketin moiyndady. Jaýap alý barysynda barlyq shabýyldardy óz betinshe uiymdastyrǵanyn, óitkeni jeke sebepter men qazaqstandyq birqatar tanymal BAQ ókilderine burynǵy talaptarynyń bolǵanyn málimdedi.
Klebanov-Manevich quqyqqa qaishy josparlaryn iske asyrý úshin hakerler toby men aktsiialardy oryndaýshylardy jaldaǵan. Arandatý maqsattary men nusqalaryn óz betinshe tańdaǵan. Oryndaýshylarǵa beriletin qarajatty kriptovaliýta operatsiiasynan túsken paida esebinen tólep otyrǵan.
Tergeý jalǵasyp jatyr, onyń nátijeleri týraly qosymsha habarlanatyn bolady" - delingen habarlamada.
