Videodan alynǵan kadr: Instagram.com/vadim.boreiko
Adam quqyqtary jónindegi ýákil Artýr Lastaev Qazaqstanda jýrnalisterge jasalǵan shabýylǵa qatysty quqyq qorǵaý organdarynyń jumysyna baǵa berdi, - dep habarlaidy Tengrinews.kz.
"Júrgizilip jatqan jumys pen ádiletti Qazaqstandy qurý aiasynda jýrnalisterdi qorǵaý erekshe mańyzǵa ie jáne mańyzdy másele snalady. Men joǵarǵy komissarǵa qazirgi ýaqytta jýrnalisterdiń, blogerlerdiń jáne basqalardyń quqyqtaryn qorǵaýdy qamtamasyz etý qajettigine qatysty máseleler týyndaǵan keibir ister boiynsha qylmystyq tergep-tekserý júrgizilip jatqanyn habarladym", - dedi Lastaev BUU adam quqyqtary jónindegi joǵarǵy komissarymen kezdesý barysynda jýrnalister suraǵyna jaýap berip.
Lastaev Adam quqyqtary jónindegi ulttyq ortalyq bul tergeýlerdi quptaitynyn atap ótti.
"Sońǵy kezdegi qylmystyq isterge kelsek, quqyq qorǵaý organdary kásipqoilyq tanytty. Olar bul qylmystardy jasady degenderdi ǵana emes, ony uiymdastyrǵandardy da tapsyrys berýshige deiin taba aldy. Tergeý jan-jaqty, obektiv, beitarap júrgizilip, barlyq kináli tiisti jazasyn alady dep senemiz", - dedi Lastaev.
Onyń aitýynsha, Adam quqyqtary jónindegi joǵarǵy komissar Prezident jariialaǵan konstitýtsiialyq reformalardy quptaǵan.
"Ádil Qazaqstandy qurý turǵysynan jáne osy turǵyda ol jýrnalisterge qarsy jasalǵan zańsyz áreketterdiń jolyn kesýdi quptady. Ol da qazir ishki ister organdarynda qaralyp jatqan qylmystyq isterdiń ádil ári beitarap tergelýi qamtamasyz etiledi dep úmittenedi", - dedi Lastaev.
