Foto: © Sputnik / Abzal Kaliev
Jumysynan aiyrylyp, Memlekettik áleýmettik saqtandyrý qorynan áleýmettik tólem alyp jatqandardyń sany 46,4 myń boldy. Biyl 16,5 myń adamǵa tólem alǵash ret taǵaiyndalǵan, dep habarlaidy QazAqparat.
Qoldanystaǵy zańnamaǵa sáikes jumystan bosatylǵan jumyskerler mindetti áleýmettik saqtandyrý júiesine qatysý ótiline jáne sońǵy 24 aidaǵy tabysyna bailanysty 1 aidan 6 aiǵa deiin jumysynan aiyrylýy boiynsha áleýmettik tólem alady.
Járdemaqy joǵalǵan kiristiń 45%-yna deiingi mólsherde MÁSQ qarajaty esebinen tólenedi.
Tólem taǵaiyndaý úshin jumystan bosatylǵan jumyskerge:
- eGov.kz portalynda avtorizatsiialaný;
- «Jumysqa ornalastyrý jáne jumyspen qamtý» bóliminde «Jumys izdeýshi adamdardy tirkeý» qyzmetin tańdaý;
- onlain-qyzmetke tapsyrys berip, barlyq joldardy toltyrý jáne oǵan ETsQ-men qol qoiyp, ótinimdi jiberý qajet;
- bir kún ishinde turǵylyqty jerińizdegi halyqty jumyspen qamtý ortalyǵy bos jumys oryndaryn usynady;
- eger jumys tabylmasa, 3 jumys kúni ishinde qashyqtan jumyssyz mártebesi beriledi (qajet bolǵan jaǵdaida sizge HJQO qyzmetkeri qosymsha aqparat jinaý úshin habarlasady);
Bul qyzmetti onlain rejimde elektrondy eńbek birjasy (enbek.kz) arqyly da alýǵa bolady.
Jumyssyz retinde tirkelý týraly málimet bolǵan kezde Eńbekmininiń aqparattyq júiesi proaktivti formatta mobildi telefonǵa SMS-habarlama jiberedi.
Kelisken jaǵdaida SMS-habarlamaǵa jaýap berý qajet. Tólem avtomatty túrde taǵaiyndalady.
Budan buryn habarlanǵandai, QR Eńbek jáne halyqty áleýmettik qorǵaý ministrligi elektrondy eńbek birjasy arqyly halyqty jumyspen qamtý ortalyqtarynyń qashyqtan qyzmet kórsetý fýnktsionalyn iske qosty.
Bul jumyssyzdardy tirkeý jáne azamattardyń jumyspen qamtýdy qoldaý boiynsha memlekettik qyzmetterdi, onyń ishinde jumysynan aiyrylý boiynsha áleýmettik tólem alý rásimin jeńildetýge múmkindik berdi.
Endi bárin tek internet, kompiýter jáne elektrondy tsifrlyq qoltańba arqyly ǵana jasaýǵa bolady.
Esterińizge sala keteiik, MÁSQ qarajaty esebinen jumystan aiyrylǵan jaǵdaida tólenetin áleýmettik tólem jumystan shyǵý sebepterine qaramastan júzege asady jáne jumyssyz adamdy ol jumys izdegen kezeńde qoldaýǵa arnalǵan.
