Qazgidromet 10 qyrkúiekke arnalǵan aýa raiy boljamyn usynady, dep habarlaidy "Ult aqparat".
Atmosferalyq aýa aǵyndarynyń ótýine bailanysty elimizdiń ortalyǵynda, soltústiktiginde, shyǵysta, ońtústiktiń taýly aýdandarynda, kúndiz naizaǵai jarqyldap, jańbyr jaýady, tańerteń jáne kúndiz Jambyl oblysynyń taýly aýdandarynda jáne taý bókterinde nóser jańbyr, burshaq jaýýy yqtimal. Tek Qazaqstannyń ońtústigi men batysynda antitsiklon jotasynyń yqpalymen jaýyn-shashynsyz aýa raiy saqtalady. Respýblikanyń basym bóliginde jel 15-20 m/s, soltústiginde, soltústik-batysynda jel 23-28 m/s kúsheiedi. Elimizdiń ońtústik-batysynda, shyǵysynda jekelegen aýdandarda tuman túsýi múmkin.
Túnde soltústik-batysta, batysta, kúndiz Aqmola oblysynyń basym bóliginde naizaǵai jarqyldaidy, jeldiń jyldamdyǵy 15-20 m/s, al oblystyń soltústigi men ońtústik-shyǵysynda ekpini 25 m/s jetedi.
Qostanai oblysynyń soltústik-batysynda, soltústiginde naizaǵai, burshaq kútiledi, basym bóliginde jel 15-20 m/s kúsheiedi, kúndiz oblystyń ońtústik-shyǵysynda ekpini 23-28 m/s jetedi.
Soltústik Qazaqstan oblysynyń batysynda, soltústiginde naizaǵai, túnde batysynda, kúndiz basym bóliginde jeldiń jyldamdyǵy 15-20 m/s, ońtústik-batysy men ońtústiginde ekpini 25 m/s.
Kúndiz Pavlodar oblysynyń batysynda, soltústik-batysynda naizaǵai jarqyldap, basym bóliginde jel 15-20, batysynda ekpini 25 m/s bolady.
Jambyl oblysynyń shyǵysynda, ońtústik-shyǵysynda, ońtústiginde, tańerteń jáne kúndiz taýly, taý bókterindegi aýdandarda naizaǵai, burshaq jaýýy yqtimal, naizaǵai jarqyldaǵan kezde jel 15-20 m/s kúsheiedi.
Kúndiz Qaraǵandy oblysynyń soltústiginde naizaǵai kútiledi, batysta, soltústikte, ortalyǵynda jel turyp, jyyldamdyǵy 15-20 m/s jetedi.
Kúndiz Qyzylorda oblysynyń soltústik-batysynda jel 15-20 m/s kúsheiedi. Mańǵystaý oblysynyń soltústiginde, túnde jáne tańerteń Shyǵys Qazaqstan oblysynyń soltústiginde, soltústik-shyǵysynda tuman kútiledi.
Kúndiz Atyraý oblysynyń soltústiginde, Batys Qazaqstan oblysynyń ońtústik-shyǵysynda jeldiń jyldamdyǵy 15-20 m/s aralyǵynda bolady.
Shyǵys Qazaqstan oblysynyń batysy men soltústik-shyǵysynda túnde 2 gradýs úsik júredi, Qaraǵandy oblysynyń soltústiginde 2 gradýs úsik saqtalady.
Almaty, Jambyl, Túrkistan, Qyzylorda, Mańǵystaý, Atyraý, Aqtóbe, Qostanai, Qaraǵandy oblystarynyń basym bóliginde, Batys Qazaqstan oblysynyń soltústik-shyǵysy men ońtústiginde, Shyǵys Qazaqstan oblysynyń ońtústiginde órt qaýpi saqtalady.
