Juldyz aqqan túni jer turǵyndary saǵatyna 120 meteorǵa deiin kóre alady, dep habarlaidy "Ult aqparat" TASS agenttigine silteme jasap.
Dúisenbide Máskeý planetariiiniń baspasóz qyzmeti habarlaǵandai, 2020 jyly aǵyndy baqylaý sharttary qolaily. Ai Jańa aiǵa jaqyn fazada túngi aspanda joq.
Aspan ashyq bolǵan jaǵdaida, 15 jeltoqsanǵa qaraǵan túni Geminida aǵynynyń jyldamdyǵy saǵatyna 120 meteoritke jetýi múmkin.
Turǵyndar Geminida meteor aǵynyn 7-17 jeltoqsan aralyǵynda tamashalai alady. Onyń radianty Egizder shoqjuldyzyndaǵy Kastor juldyzynyń janynda ornalasqan.
Ǵalymdardyń esepteýine sáikes, aǵyn belsendiliginiń sharyqtaý shegi 14 jeltoqsanda Máskeý ýaqytymen 03:50-de bolady dep boljanǵan. Astronomdardyń aitýynsha, baqylaýǵa eń qolaily ýaqyt - 15 jeltoqsanda tún ortasynan keiin.
Basqa meteor aǵynynan aiyrmashylyǵy, Geminidterdiń tegi bul kometa emes, 1983 jyly infraqyzyl ǵarysh teleskobymen ashylǵan jáne 3200 Phaethon dep atalatyn obekt.
