«Júkti áiel vaktsina alsa, balasy koronavirýsqa qarsy immýnitetpen dúniege keledi. Bul týraly Almaty qalasy Qoǵamdyq densaýlyq basqarmasy basshysynyń orynbasary Svetlana Sultanǵazieva aitty, dep habarlaidy QazAqparat.
«Júkti áiel vaktsina alsa, balasynda koronavirýs infektsiiasyna qarsy immýnitet bolady. Biraq onyń antidenesi qanshalyqty bolatyny ár aǵzaǵa bailanysty. Bala immýnitetpen dúniege keledi dep tolyq aita alamyz», - dedi Svetlana Sultanǵazieva.
Sonymen qatar, ol árbir dári-dermek naryqqa shyǵarda tórt zertteý fazasynan ótetinin aitty.
«Olar klinikaǵa deiingi, eriktilerge, halyqtyń belgili bir kontingentine, keiin post tirkeý kezeńi. Búginde bar dári-dármek, vaktsinalarda 10 paiyzǵa jýyq janama áserleri bar. Osy vaktsinanyń da 10 paiyzǵa deiin janama áserleri bolady, bas aýrýy, ekpe salynǵan jerdiń qyzarýy, dene qyzýynyń kóterilýi. Biraq onyń bári 1-2 kúnde toqtaidy», - dedi dáriger.
