Densaýlyq saqtaý vitse-ministri Marat Shoranov eldegi epidemiologiialyq jaǵdaidy jeleý etip, josparly meditsinalyq kómek kórsetýden bas tartqan mekemelerge tiisti shara qoldanylatynyn aitty, dep habarlaidy QazAqparat.
«2020 jylmen salystyrǵanda josparly meditsinalyq kómek kórsetý jaǵdaiy aitarlyqtai qalypqa túsip qaldy. Alǵashqy býynda meditsinalyq qyzmet kórsetetin jeke menshiktegi de, memlekettik emhanalar da halyqpen tolyq kólemde jumys istep jatyr. Iá, keibir meditsinalyq qyzmet usynýshylar kadr máselesine tap kelip jatyr. Ózderińiz bilesizder, kúshtiń kóbi koronavirýs infektsiiasymen kúreske jumsalǵan bolatyn. Biraq biz MÁMS qorymen birge óńirlerde bul máseeni baqylaýda ustap otyrmyz», - degen dárigerge jazylý kezegi boiynsha týyndaǵan máseleler jekelegen óńirlerge tán degen pikir aitty.
«Eger adam dárigerdiń qabyldaýyna jazylar kezde máselege tap bolsa, Densaýlyq saqtaý ministrliginiń bailanys ortalyǵyna 1406 nómiri boiynsha júgine alady. Bul nómirge túsken aqparat úsh deńgeili óńdeýden ótip, MÁMS qoryna túsedi. Tiisinshe osy olqylyqqa jol bergen meditsinalyq uiymdarǵa sanktsiialar salynýy múmkin. Bizdiń basty mindetimiz – emdelýshilerdiń quqyǵyn qorǵaý. Emdelýshiniń quqyǵyn qorǵaý normalaryn qoldana otyryp, MÁMS qory arqyly ondai jaittarǵa jaýap qatamyz. Jalpy aitsaq, elimizde josparly meditsinalyq kómek qalypty rejimde júrgizilip jatyr. Iá, áleýmettik qashyqty, adamdardyń ǵimarat ishinde shekten tys jinalýyn boldyrmaý siiaqty shekteýler bar. Bul kinikalar ishindegi menedjmentke bailanysty. Taǵy da aitam, qarapaiym terapevtke nemese jalpy praktika dárigerdiń qabyldaýyna jazyla almaǵan jaǵdai bolsa, 1406 telefony arqyly habarlańyzdar. Biz áreket etemiz», - dedi Marat Shoranov.
