JOO oqytýshylarynyń 92% jáne stýdentterdiń 70% koronavirýsqa qarsy vaktsina saldyrdy. Bul týraly QR Bilim jáne ǵylym birinshi vitse-ministri Sholpan Karinova aityp berdi, dep habarlaidy QazAqparat.
«Qazirgi ýaqytta elimizde 222 joǵary oqý orny jumys isteidi. Bilim alýshylardyń jalpy kontingenti 600 myńǵa jýyqtaidy. Jańa oqý jylynda 173 myń adam birinshi kýrsqa qabyldandy, onyń ishinde 63 myń adam grantqa tústi. Akademiialyq kúntizbege sáikes, stýdentter barlyq daiyndyq baǵyttary boiynsha aralas formatta oqýdy bastady. Iaǵni, dárister onlain, seminar, zerthanalyq jáne praktikalyq sabaqtar oflain rejimde ótkiziledi», - dedi Qýanysh Erǵaliev Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, erekshe bilim berý qajettilikteri bar jáne qaterli toptaǵy stýdentter qashyqtan oqi alady.
Sondai-aq, juqpaly aýrý belgileri bolǵan jaǵdaida stýdentter oqýdy onlain rejiminde jalǵastyra alady.
Vitse-ministr biyl joǵary oqý oryndary jańa oqý jylynda oqý protsesin uiymdastyrý boiynsha birqatar sharalar qabyldaǵanyn habarlady.
Sanitarlyq-epidemiologiialyq rejimdi qamtamasyz etýge erekshe kóńil bólinedi.
JOO-da maskalyq rejim talap etiledi, barlyq korpýstarda sanitaizerler, dezinfektsiialyq arkalar, teplovizorlar ornatylǵan.
JOO, oqý korpýstary, kitaphana men jataqhanalar aýmaǵynda Ashyq qosymshasy qoldanylady.
Oflain sabaqtarǵa «jasyl» nemese «kók» mártebesi bar stýdentter jiberiledi.
Bas sanitar dárigerdiń qaýlysyna sáikes oqytýshylar men qyzmetkerler úshin meditsinalyq qarsy kórsetilimderi barlardy qospaǵanda, «jasyl» mártebeniń bolýy mindetti bolady.
Stýdentterde PTR-testileýdiń bolýyn talap etýge jol berilmeidi.
Iri mádeni-buqaralyq is-sharalardy ótkizýge tyiym salynady, sabaqtar aiaqtalǵannan keiin aýditoriialardyń ýaqytyly bosaýy qadaǵalanady.
Oqý sabaqtary kezinde dálizder men aýditoriialar jeldetiledi, jalpy qoldanystaǵy jabdyqtardyń betterin únemi dezinfektsiia júrgiziledi.
Sonymen birge, Q. Erǵaliev koronavirýs infektsiiasyna ujymdyq immýnitetti qurý úshin JOO oqytýshylary, JOO qyzmetkerleri jáne stýdentter arasynda aqparattyq-túsindirý jumystaryn júrgizip jatqanyn atap ótti.
Búgingi tańda oqytýshylardyń shamamen 92-y jáne stýdentterdiń shamamen 70%-y vaktsinalandy.
Bilim berý uiymdary vaktsinalanǵan oqytýshylar men qyzmetkerlerge syilyqaqy usynady, olarǵa aqyly demalys beredi, stýdentter úshin oqýǵa jeńildikter, saýyqtyrý sanatoriilerine tegin joldamalar kózdelgen.
Vitse-ministrdiń aitýynsha, oqý jylynyń basynan beri koronavirýs infektsiiasymen aýyrǵan stýdentter sany 990 adamdy, oqytýshylar sany 596 adamdy qurap otyr.
