Nur-Sultanda jyl saiynǵy «Jomart Júrek» syilyǵynyń jeńimpazdaryn marapattaý rásimi ótti. 25 metsenat pen belsendi azamattar 5 nominatsiia boiynsha atalǵan syilyqtyń iegerleri atandy, dep habarlaidy "Ult aqparat" QR Aqparat jáne qoǵamdyq damý ministrliginiń baspasóz qyzmetine silteme jasap.
Konkýrs azamattardy, biznes-qurylymdar ókilderin, metsenattardy, úkimettik emes uiymdar men volonterlerdi týǵan jerin damytýǵa yntalandyrý jáne kótermeleý maqsatyndaǵy qaiyrymdylyq ideialaryn nasihattaýǵa baǵyttalǵan.
Saltanatty sharaǵa Qazaqstan Respýblikasynyń Aqparat jáne qoǵamdyq damý ministri Aida Balaeva, 17 oblystyń ákimderi, qaiyrymdylyq, volonterlik uiymdardyń jáne kásipkerlik salasynyń ókilderi qatysty.
Konkýrs qorytyndysy boiynsha týǵan jerge iri áleýmettik jobalardy júzege asyrǵany úshin, az qamtylǵan kópbalaly otbasylarǵa, jetim balalar men ata-anasynyń qamqorlyǵynsyz qalǵan balalarǵa, múgedekterge, Uly Otan soǵysynyń ardagerlerine, zeinetkerlerge «Jyl metsenattary» nominatsiiasy boiynsha aqysyz kómek kórsetkeni úshin «Altynsarino» JShS direktory Boris Kniazev (Qostanai oblysy), «OtauGroup» holdinginiń prezidenti Qairat Moldaseiitov (Shymkent q), «Temirlan» JShS basshysy Erlan Alin (Aqmola oblysy), «Ómirzaq-Servis» JShS direktory Marat Ómirzaqov (Atyraý oblysy), «Assorti 2» sharýa qojalyǵynyń basshysy Igor Shevchenko (Shyǵys Qazaqstan oblysy)» marapattaldy.
«Jyl tulǵasy» nominatsiiasy boiynsha belsendi azamattyq ustanymy, ártúrli baǵyttaǵy aýqymdy qaiyrymdylyq qyzmeti úshin «BI group» qurylys holdingi quryltaishysy Ashat Omarov (Nur-sultan q.), «BI Group» kompaniiasy direktorlar keńesiniń tóraǵasy Aidyn Rahymbaev (Nur-sultan q.), «Dial stroi» JShS Bas direktory Ǵabit Mamatraiymov (Almaty q.), «Korporatsiia «Bereke» A» JShS Bas direktory Ráshkúl Ospanalieva (Shymkent q.), «Iýtariia ltd» JShS kompaniialar tobynyń Bas direktory Sáýle Sháýenova (Qaraǵandy oblysy) júldeger atandy.
Densaýlyq saqtaý, mádeniet, bilim jáne sport salasynda demeýshilik kómek kórsetýge baǵyttalǵan áleýmettik jobalardy iske asyrǵany úshin jáne eldi mekenderdi abattandyrýǵa, saiabaqtardy, gúlzarlardy, eskertkishterdi, balalar oiyn alańdaryn qaita qurý men salýǵa atsalysqan «Maksimovskoe» JShS direktory Aleksandr Zakýsilov (Aqmola oblysy), «Aq Orda korporatsiiasy» JShS direktory Sadýlla Qalybekov (Shymkent q.), «SHP Baidaly-2» JShS direktory Marat Ýrazalin (Aqmola oblysy), «Blue-Star. PV» JShS quryltaishysy Qoblanbek Qojin (Pavlodar oblysy), kásipker Rýslan Valerdinov (Almaty oblysy), «Týǵan ólke» nominatsiiasymen marapattaldy.
Áleýmettik mańyzy bar jobalardy, qaiyrymdylyq jobalardy, qaiyrymdylyq kómektiń jańa tiimdi túrlerin engizgeni jáne áleýmettik mańyzy bar is-sharalarǵa bas demeýshilik kórsetkeni úshin «Jyldyń úzdik uiymy» nominatsiiasynyń jeńimpazy «Nord» kompaniiasynyń filialy - Nur-Sultan qalasynyń «Jas Otan» jastar qanatymen Caspian Operating Company NV»,«NIET.WOMAN»ÚEU áielder bastamalary qoǵamdastyǵy, «Jas Jaýynger» saýyqtyrý klýby, «Olja Agro» JShS tanyldy.
«Eren eriktilik» nominatsiiasy boiynsha volonterler is-sharalaryna belsendi qatysqany úshin Shyǵys Qazaqstan oblysy volonterler qozǵalysy ortalyǵynyń tóraiymy Ásemgúl Kalimoldina, Qazaqstan halqy Assambleiasy janyndaǵy «Jańǵyrý joly» RJQ qalalyq shtaby tóraǵasynyń orynbasary Nargizam Mahmýdova (Nur-Sultan q.), mýzyka muǵalimi, volonter Qudaibergen Sultaniiarov (Batys Qazaqstan oblysy), «GrIn» Qostanai oblysynyń Azamattyq alians QQ volonteri Janseiit Jumatuly Qurmanǵaliev (Qostanai oblysy), «Qazaqstan volonterler ligasynyń» tóraǵasy Aidana Serikqyzy Esirkep (Túrkistan oblysy) marapattaldy.
Syilyqtyń barlyq jeńimpazdaryna estelik statýetkalar men diplomdar tabystaldy.
