El aýmaǵyndaǵy jol jaqyn ornalasqan 4 myń bilim berý mekemesinen 2 myń kemshilik tabylǵan, dep habarlaidy QazAqparat.
IIM Ákimshilik politsiia komiteti tóraǵasynyń orynbasary Jandos Muratáliev «Balalardyń joldaǵy qaýipsizdigi» taqyrybyndaǵy brifingide osyndai derekter keltirdi.
«Jolǵa jaqyn ornalasqan bilim berý mekemeleriniń aýmaǵyna 4 myńnan astam tekserý jumystary júrgizildi. Tekserý nátijeleri boiynsha anyqtalǵan kemshilikterdi joiý úshin ýákiletti mekemelerge 2 myńǵa jýyq nusqama berildi. Qazirgi ýaqytta 3 612 mekteptiń janynda jaiaý júrginshi ótkelderi bar, 2 473 mekteptiń janynda jasandy kedergiler ornalastyrǵan, al 2 300-ge jýyq mektep janynda jaiaý júrginshilerge arnalǵan labirint tektes qorshaýlar ornatylǵan», - deidi komitet basshysynyń orynbasary.
Sondai-aq, Jandos Muratáliev bilim berý mekemeleriniń janynda 1 160 jol belgisi jańartylǵanyn atady.
«Bilim berý mekemeleriniń janynda 1 160 jol belgisi aýystyrylyp, qaita ornatyldy. Myńǵa jýyq jaiaý júrginshiler ótkeli jabdyqtalyp, 8 myń metrden astam jaiaý júrginshiler joly salyndy, 16 myń metr jol jasandy jolmen jaryqtandyryldy», - dedi IIM ókili
Vedomstvo oqý jylynyń taiap qalǵanyn eskerip, 23 tamyz ben 10 qyrkúiek aralyǵynda «Nazar aýdaryńyz - balalar» aktsiiasyn qaita ótkizýdi josparlap otyr. Bul shara 2 kezeńde ótedi: daiyndyq kezeńi (23-31 tamyz) jáne negizgi kezeń (1-10 qyrkúiek aralyǵynda).
Daiyndyq kezeńi aiasynda:
- bilim berý mekemeleriniń aýmaǵyndaǵy jol jelisiniń jumys kúiin jáne jol júrisin uiymdastyrýdyń tehnikalyq quraldaryn zertteý;
- ata-analar men muǵalimderge jol qaýipsizdigi boiynsha profilaktikalyq sabaqtar, dárister ótkizý josparlanýda;
Bul jumys aǵymdaǵy jyldyń 17 maýsym men 16 shilde aralyǵynda ótken «Qaýipsiz jol» is-sharasy aiasynda jalǵasyn tapty.
Jańa oqý jylynyń qarsańynda 23 tamyz jáne 10 qyrkúiek aralyǵynda «Nazar aýdaryńyz - balalar!» aktsiiasyn qaita ótkizý josparlanǵan.
