Búgin oblys ákimi Amandyq Batalovtyń tóraǵalyǵymen QR Prezidenti Qasym-Jomart Toqaevtyń «Syndarly qoǵamdyq dialog – Qazaqstannyń turaqtylyǵy men órkendeýiniń negizi» Joldaýyn talqylaý jónindegi aktiv jiyny ótti. Jiynǵa QR Prezidenti Ákimshiliginiń memlekettik inspektory Qýanysh Asylov qatysty. Jiynda Amandyq Batalov Joldaýda belgilengen tapsyrmalardy iske asyrýdaǵy oblystyń atqarýshy organdaryna júkteletin mindetterdi aiqyndap, tapsyrmalar berdi.
Óz baiandamasynda oblys ákimi Joldaýdaǵy ár tarmaqqa keńinen toqtalyp, sol baǵyttar boiynsha óńirde atqarylatyn isterdi atap ótti. Memlekettik qyzmettegi basymdyq qoǵammen pikir almasýǵa, ashyqtyqqa, halyqtyń talap-tilegine jedel ún qatýǵa baǵyttalýy kerektigi aityldy. Sonymen qatar sybailas jemqorlyqpen kúresti júieli júrgizý maqsatynda Vedomstvoaralyq óńirlik komissiia jumysyn kúsheitý mindetteldi. Sol siiaqty intensivti damyǵan jáne inkliýzivti ekonomika jóninde de sóz qozǵaldy.
- Aldaǵy 5 jyldyqqa Indýstrialdy-innovatsiialyq damý memlekettik baǵdarlamasyn daiyndaǵanda ár aýdannyń óz basymdyq beretin mamandanǵan baǵyty esepke alynýy qajet. Ákimder otandyq jáne sheteldik invetorlardy tartý jumystaryn kúsheitýi tiis. Joldaýda Prezident baǵa men tarifterdi qalyptastyrý máselesimen júieli túrde ainalysý týraly aitty. Bul máselede monopoliiaǵa qarsy aýmaqtyq departamentpen birlesip, TÚKSh salasyndaǵy tabiǵi monopoliialar sýbektileri tarapynan tutynýshylar qarjysynyń maqsatty paidalanylýyna baqylaýdy kúsheitýdi, tarifterdiń ósýin tejeý sharalaryn qabyldaýdy tapsyramyn, - dedi A. Batalov.
Halyq tutynatyn taýarlar óndirýge baǵyttalǵan «Qarapaiym zattar ekonomikasyn» damytý máselesi de umyt qalǵan joq. Oblys ákiminiń aitýynsha, osyǵan qatysty 7 joba 6,4 mlrd. teńgege bankterdiń maquldaýyn alǵan. Úkimet tarapynan bul baǵdarlamaǵa 600 mlrd. teńge bólinip otyrǵanda, aýdan, qala ákimderi baǵdarlamaǵa basymdyq berip, maquldanǵan somany áli de arttyrýǵa kúsh salýy tiis. Shaǵyn jáne orta biznesti damytqanda aýyldyqtarǵa turaqty jumys berip, jumyssyzdyqty azaityp, jergilikti biýdjetti nyqtaýǵa jaǵdai jasalady. Bul oraida Úkimet jańa «Biznestiń jol kartasy» boiynsha aldaǵy úsh jylǵa qosymsha 250 mlrd. teńge bólýdi josparlap otyr. Salyqtaǵy jeńildikter, tekserýge tyiym salý da ShOB-nyń jańa tysyn ashýǵa yqpal etpek. Osyǵan orai oblys ákimi Amandyq Batalov aýdan, qala ákimderin otbasylyq biznesterdiń ashylýyna, birinshi kezekte kóp balaly jáne az qamtylǵan otbasylardyń jeke is bastaýyna, iaǵni áleýmettik aspektilerge ekpin túsirilgen biznesti qoldaý sharalaryn qabyldaýǵa mindettedi.
Sol siiaqty aýyl sharýashylyǵyn damytý, halyqtyń ál-aýqatyn kóterý, áleýmettik salany qoldaý sharalaryna da toqtalyp ótti. Máselen, oblysta 220 myń ga sýarmaly jerdi ainalymǵa tartý jumysy bastalǵan, onyń 39 myń gektary aǵymdaǵy jyly qalpyna keltiriledi. Agroónerkásip kesheniniń qaita óńdelgen ónimi eksportyn ulǵaitý úshin transulttyq kompaniialardyń qatysýymen aldaǵy ýaqytta úsh et óńdeý keshenin iske qosý josparlanǵan.
Áleýmettik salada muǵalimder mártebesi, kóp balaly jáne az qamtylǵan otbasy balalaryna kórsetiletin qoldaýlar, ana men bala ólimin boldyrmaý, múgedek balalarǵa jasalatyn múmkindikterdi molaitý, ataýly áleýmettik kómek sharalary jáne basqa da máselelerge keńinen toqtaldy.
- Prezident kezekte turǵan az qamtylǵan kóp balaly otbasylardy baspanamen qamtý máselesin úsh jyl ishinde sheshýdi tapsyrdy. Bizde olardyń sany bes myńnan asady. Bul maqsatqa 2022 jylǵa deiin 240 mlrd. teńgeden astam qarjy bólinbek. «Baqytty otbasy» baǵdarlamasy boiynsha oblysta 657 ótinish qabyldanǵan, sonyń 286-sy maquldandy. Biylǵy jyly barlyq baǵyt boiynsha 1447 otbasyn qamtamasyz etemiz dep josparlap otyrmyz. Taǵy bir másele – turǵyn úi qorlaryn jóndeý men qaita jańǵyrtý. Bul maqsatqa óńirlerge eki jylda biýdjettik nesie túrinde 30 mlrd. teńge bólinedi. Qazirgi kezde oblysta 3566 kóp páterli turǵyn úi bar, sonyń 1998-i jóndeýdi qajet etedi. Sondyqtan osy baǵdarlamanyń múmkindikterin paidalaný kerek, - dedi A. Batalov.
Baiandama barysynda biylǵy jyldaǵy meje ortalyqtandyrylǵan aýyz sýmen qamtýda - 91%, jaqsy jáne qanaǵattanarlyq deńgeidegi joldyń úlesi 78% ekeni de aityldy. Osy jáne ózge de mindetterdi birlese atqara otyryp, oblys ekonomikasynyń qarqyndy damýyna jáne halyqtyń ál-aýqatyn arttyrýǵa ár aýdan, qala ákimi men sala basshylary atsalysý kerektigi eskertildi.
Jaryssózge shyqqan Ile aýdandyq máslihatynyń hatshysy Roza Abilova, «Aksel A» JShS direktory Aidyn Imanbekov, Biken Rimova atyndaǵy drama teatrynyń ártisi, QR mádeniet qairatkeri Ǵaliia Temirbaeva, Taldyqorǵan politehnikalyq kolledjiniń oqytýshysy Igor Skoromnyi, Panfilov aýdandyq jastar resýrstyq ortalyǵynyń mamany Almaz Batyrhan Joldaýǵa qatysty óz oi-pikirlerin bildirip, ortaq iske jumyla kirisetindikterin jetkizdi.
