Joǵary oqý oryndaryna qujat qabyldaý merzimi 28 tamyzǵa deiin uzartyldy, dep habarlaidy "Ult aqparat" QR Bilim jáne ǵylym ministrligine silteme jasap.
Joǵary oqý oryndaryna qujattardy qabyldaý merzimi 28 tamyzǵa deiin uzartyldy. Mundai sheshimdi QR BǴM Joǵary jáne joǵary oqý ornynan keiingi bilim departamenti qabyldady.
«Talapkerlerimiz úshin bul jaqsy jańalyq dep sanaimyn. Bul rette qujat qabyldaý merzimderin uzartý boiynsha kelip túsken ótinishter sany eskerildi. Bilim berý granty iegerlerine de, aqyly negizde oqýdy josparlap otyrǵandarǵa da múmkindik berildi», - dep atap ótti Bilim jáne ǵylym vitse-ministri Qýanysh Erǵaliev.
Esterińizge sala keteiik, buǵan deiin JOO-ǵa qabyldaý úshin qujattardy 25 tamyzǵa deiin tapsyrý qajet bolatyn.
Aita keteiik, bilim granty iegerleriniń ótinimderi eGov.kz. elektrondy úkimet portaly arqyly qabyldanyp jatyr. Aqyly negizde oqý úshin joǵary oqý oryndarynyń virtýaldyq qabyldaý komissiialaryna júginý qajet. Olardyń tizimi QR BǴM Ulttyq testileý ortalyǵynyń saitynda ornalastyrylǵan.
