Búgin Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym ministri Ashat Aimaǵambetov ýniversitetterge qatysty qandai ózgerister bolatynyn aitty, dep habarlaidy QazAqaparat.
«Oqý baǵdarlamalaryn beiimdeý maqsatynda innovatsiialyq baǵdarlamalardy jobalaý men ázirleý, bilim berý baǵdarlamalaryn eńbek naryǵynyń talaptaryna sáikes jańartý jumystary júrgiziledi. Joǵary oqý oryndaryna qoiylatyn talaptar artady. Osy maqsatta «Bilim týraly» Zańǵa, «Ruqsattar jáne habarlamalar týraly» Zańǵa ózgerister engizý usynylady», - dedi Aimaǵambetov.
Osy oraida:
- JOO úshin litsenziialardyń qoldanylý merzimin belgileý;
- litsenziialardy qaita resimdeýdi tek talaptarǵa sáikestigin anyqtaǵannan keiin uiymdastyrý;
- JOO-lardan litsenziialardy qaitaryp alý jónindegi fýnktsiialardy ministrlikke berý;
- JOO jabylǵan jaǵdaida bilim alýshylardy aýystyrý boiynsha mindettemelerdi oryndamaǵany úshin quryltaishylardyń jaýapkershiligin belgileý siiaqty sharalar qabyldanady.
