Almaty politsiiasy joǵalyp ketken 1-synyp oqýshysyn tapty, dep habarlaidy Qazaqparat.
Politsiiaǵa keshki saǵat 17:55-ter shamasynda 6 jasar Baǵjan Erbolattyń joǵalyp ketkeni týraly habar berilgen. Anasynyń aitýynsha, bala «Dorojnik» shaǵyn aýdanyndaǵy úidiń aýlasynda oinap júrgen.
«Balasy tabylmaǵan soń áiel politsiiaǵa júgingen. Biz birden birneshe izdeý tobyn qurdyq. Oǵan kriminaldy politsiia, jasóspirimder isi boiynsha bólim inspektorlary tartyldy. Baǵjan Úlken Almaty kanalyna ketip qaldy aý degen de oi boldy. Balanyń túr sipaty týraly habar Almaty aýdandyq politsiia basqarmalaryna taratyldy», - dedi Jetisý aýdandyq politsiia basqarmasynyń basshysy Darhan Musanov.
Politsiia negizinen izdeý jumystaryn Ainabulaq shaǵyn aýdanynda júrgizdi.
Balanyń qolynda samokat bolǵan.
Túngi saǵat 22:00-der shamasynda politsiia ekipajy balany Qapshaǵai kópirinde oblysqa qarai ketip bara jatqan jerinen tapty.
«Bala din aman. Anasyna tapsyryldy. Anasynyń qýanyshynda shek joq. Baǵjan - otbasynyń tuńǵyshy. Biyl birinshi synypqa barǵan. Úiinen nege ketip qalǵanyn ázirshe túsindire almai otyr»,- dedi polkovnik Darhan Musanov.
