Jezqazǵan mys qorytý zaýytynda órt shyqty. Bul týraly QR Tótenshe jaǵdailar ministrliginiń resmi ókili Talǵat Ýáli málim etti, dep habarlaidy "Ult aqparat".
«27 mamyr kúni saǵat 08-53-te «Qazaqmys» korporatsiiasy» JShS-nyń Jezqazǵan mys qorytý zaýytynda órt shyqqany týraly habarlama kelip tústi. Mys qorytý tsehyndaǵy transformatordyń órtenetin bóligi, shamamen 100 sharshy metr aýmaqqa tógilgen mai janǵan. Zardap shekkender men qaza tapqandar joq. Mys qorytý tsehyndaǵy óndiristik protsess ýaqytsha toqtatyldy», - dedi Talǵat Ýáli.
Resmi ókildiń atap ótýinshe, órtti sóndirýge Qaraǵandy oblystyq tótenshe jaǵdailar departamenti jeke quramynyń 26 mamany men 7 tehnikasy, sonymen qatar «Seriktes» JShS-niń órt sóndirý qyzmetiniń 13 mamany men 3 tehnikasy jumyldyrylǵan.
