Qazaqstannyń Tuńǵysh Prezidentiniń esimin máńgi este qaldyrý maqsatynda el Prezidenti Qasym-Jomart Toqaevtyń Jarlyǵymen Astana qalasyna Nur-Sultan ataýy berilýine qoldaý bildirgen taldyqorǵandyqtar men qalaǵa jaqyn mańdaǵy aýdandardyń turǵyndary, jalpy sany 23 myńnan astam adam búgin Taldyqorǵan qalasyndaǵy «Jastar» mádeni-demalys saiabaǵyna jinaldy.
Saiabaqta «Almaty oblysy Elbasymen birge» atty kontserttik shara ótip, oǵan Qanat, Aitúl Qudaibergenovter, Mádina Sadýaqasova, Janar Dýgalova, Tóreǵali Tóráli syndy óner maitalmandary men oblystaǵy óner ujymdary qatysty.
Atalmysh sharaǵa akkýmýliator batareialaryn shyǵaratyn «Qainar AKB» JShS, «ASPMK-519» holdingtik kompaniiasy men «Shymyr» JShS bas demeýshilik jasady.
Kontserttik baǵdarlamany tamashalaǵan qala turǵyndary Elordamyzdyń Elbasy esimin ielenýine qoldaý bildirip, óz pikirin ortaǵa saldy.
