Agroónerkásiptik keshendi damytý jónindegi ulttyq joba aiasynda jerdi jalǵa berý protsesi elektrondyq formatqa aýystyrylady. Bul týraly QR Aýyl sharýashylyǵy ministri Erbol Qarashókeev «Habar 24» telearnasyndaǵy «Oshaqbaev Live» tikelei efirinde aitty, dep habarlaidy QazAqparat.
Ministrdiń aitýynsha, endi jalǵa alynǵan jerdi ekinshi tulǵalarǵa jalǵa berý múmkindigi bolady.
«Sondai-aq, eger 5 jyldan astam aýylda tursańyz, jerdi jalǵa alýǵa quqyǵyńyz bar. Qazir Jaiylymdar týraly zań jobasy ázirlenip jatyr. Bul zań jobasy qazir Májilistiń qaraýynda. Jańa zańǵa sáikes, paidalanylmai jatqan jerdi memleket ieligine qaitarý merzimin qysqartý kózdelgen. Zań qabyldanǵan jaǵdaida paidalanylmaityn jerdi memleket ieligine qaitarý merzimi 2 jyldan 1 jylǵa deiin qysqarady», – dedi Qarashókeev.
Onyń aitýynsha, jerdi jalǵa berý máselesinde ministrliktiń aldynda turǵan basty mindet – ashyqtyq pen ádildikti qamtamasyz etý jáne sybailas jemqorlyq kórinisteriniń aldyn alý.
Sonymen birge, ministr jer ýchaskelerin rásimdeýdi elektrondyq formatqa aýystyrý týraly aitty. Bul jerdi jalǵa berý protsesiniń ashyqtyǵyn qamtamasyz etý úshin jasalady. Kelesi jyldan bastap jer inspektsiiasy Aýyl sharýashylyǵy ministrligine baǵynatyn bolady, buryn ol jergilikti ákimdikter qaramaǵynda edi. Iaǵni, endi jerdi jalǵa alý protsesin jergilikti ákimdikter elektrondy túrde rásimdeidi, al jerdi tiimdi paidalanýǵa ruqsat pen baqylaýdy ministrlik júzege asyrady.
