sýret ashyq derekkózden alyndy
Jeńildetilgen avtonesie baǵdarlamasy boiynsha autonesie.kz platformasynda 761 qazaqstandyq 18 sekýnd ishinde óz ótinimin tirkegen. Bul týraly Ónerkásipti damytý qory habarlady.
"Platforma iske qosylǵan alǵashqy 18 sekýndta (saǵat 10:00-de) 761 qazaqstandyq óz ótinishterin tirkedi. Birinshi minýtta saitqa kirýshiler sany 125 000 adamdy qurady", - delingen habarlamada.
Vedomstvo málimetinshe, limitke jetkennen keiin ótinimderdi qabyldaý avtomatty túrde aiaqtalyp, "ótinish berý" fýnktsiiasy isten shyqqan.
"Ótinish berý protsesinde keibir paidalanýshy kólik óndirýshini tańdai almaǵan, bul ótinim limitine jetýge bailanysty bolǵan", - dep tolyqtyrdy qor.
Eske salaiyq, qazaqstandyqtarǵa kelesi ótinimderdi qabyldaý naýryzda, al odan ári - toqsan saiynǵy negizde qoljetimdi bolady.
Baǵdarlama jańalyqtaryn qordyń resmi saitynan jáne áleýmettik jelilerdegi paraqshalarynan bile alasyz.
