Memleket turmysy tómen otbasy balalaryna beriletin kepildendirilgen áleýmettik paketke kiretin zattardyń tizimin anyqtady, dep habarlaidy "Ult aqparat" eńbek resýrstaryn damytý ortalyǵyna silteme jasap.
Elimizde balalarǵa arnalǵan kepildendirilgen áleýmettik pakettiń taǵaiyndalýy az qamtylǵan azamattardy áleýmettik qorǵaý baǵytyndaǵy mańyzdy jańashyldyqtardyń biri boldy. Kepildendirilgen áleýmettik paket – bul 1 jastan 18 jasqa deiingi balasy bar az qamtylǵan otbasynyń árbir balasyna beriletin kómek.
Kómek paketi shartsyz nemese shartty aqshalai kómek alatyn turmysy tómen otbasylarǵa beriledi. Alty jastan on segiz jasqa deiingi balalary bar otbasylarǵa kepildendirilgen áleýmettik paket tiisti oqý jyly aldynda beriledi.
1 jastan 6 jasqa deiingi balalarǵa arnalǵan kepildendirilgen áleýmettik paket ai saiyn azyq-túlik jiyntyǵy jáne toqsan saiyn turmystyq himiia taýarlarynyń jiyntyǵy túrinde usynylady.
Azyq-túlik túzimi Úkimet qaýlysymen bekitilgen jáne osy jastaǵy balalardyń fiziologiialyq erekshelikterin, taǵamdyq jáne energetikalyq qundylyǵy eskerile otyryp jasalǵan.
Áleýmettik paket quramynda anemiia, rahit, disbakteriozdyń aldyn alý úshin kaltsii jáne basqa mikroelementtermen baiytylǵan dárýmen, probiotikteri bar ártúrli (sút, kókónis, jemis) ónimder engen.
Orta bilim beretin uiymda oqityn 6 jastan 18 jasqa deiingi balalarǵa arnalǵan kepildendirilgen áleýmettik paketke:
1) mektep formasy nemese sporttyq kiim, mektep quraldary jiyntyǵy;
2) densaýlyq saqtaý salasyndaǵy ýákiletti organ belgilegen normalarǵa sáikes oqý jyly kezeńinde oqý ornynda (oqý kúnderi) kúndelikti bir ret ystyq tamaq;
3) qoǵamdyq kólikte (taksiden basqa) bilettiń tolyq qunynyń 50 paiyzynan kem emes mólsherde jeńildikpen jol júrýi kirgen.
