Telegram arnalarynyń birinde jigitti uryp-soqqan qyzdyń videosy jariialandy, dep habarlaidy "Ult aqparat".
Beinejazbadan ol jábirlenýshiden aqsha talap etip jatqanyn kórýge bolady.
"Taldyqorǵan qalasynda jasóspirim qyzdy soqqyǵa jyqqan qyzdar týraly taqyryptyń jalǵasy retinde taǵy bir video keldi. Videoda Qundyz esimdi qyz jigitti uryp-soǵyp, aqsha talap etip jatyr", - delingen @egovpress Telegram arnasyndaǵy sipattamada.
Al Ishki ister ministrliginiń baspasóz qyzmeti atalǵan fakt boiynsha Almaty qalasy Naýryzbai aýdany PD-da QR Qylmystyq kodeksiniń 293-baby ("Buzaqylyq") boiynsha qylmystyq is qozǵalǵanyn habarlady.
"Is júrgizý aiasynda zańsyz árekettiń mán-jaiy anyqtalady.
Almaty qalasyndaǵy kolledjderdiń birinde oqityn 2005 jyly týǵan B.-nyń iývenaldyq politsiianyń esebinde turǵanyn habarlaimyz. Kámeletke tolmaǵan balany tárbieleý jónindegi mindetterin oryndamaý deregi boiynsha qyzdyń anasyna qatysty QR ÁQBtK-niń 127-babynda kózdelgen quqyq buzýshylyq belgileri boiynsha material jinaldy.
Materialdar kámeletke tolmaǵandardyń isteri jáne olardyń quqyqtaryn qorǵaý jónindegi vedomstvoaralyq komissiianyń qaraýyna jiberildi", - delingen habarlamada.
