Stepnogordegi Bógenbai batyr atyndaǵy daryndy balalarǵa arnalǵan mektep-internatynda bolǵan oqiǵadan keiin osy mekemeniń basshysy qyzmetinen bosatyldy, dep habarlaidy Sputnik Qazaqstan.
Jelide taraǵan videodan keiin Aqmola oblysy ákimi Ermek Marjyqpaev Stepnogor qalasyna baryp, shuǵyl keńes ótkizdi. Sol jerde Bógenbai batyr atyndaǵy daryndy balalarǵa arnalǵan sport mektep-internatynyń direktory Tursynbai Toqqojinovty jumystan bosatý týraly sheshim qabyldandy.
Al oblystyq dene shynyqtyrý jáne sport basqarmasynyń jetekshisi Áset Búkibaevqa qatań sógis jariialandy.
Budan bólek, Stepnogor qalasy ákimine onyń orynbasary Gúlnáz Ábilovany tártiptik jazaǵa tartý usynysy engizildi. Ol osy salaǵa jaýap beredi. Sondai-aq kámelet jasqa tolmaǵandardyń quqyqtaryn qorǵaý jónindegi komissiiany basqarady.
Shuǵyl jiyn kezinde mektep-internatynda bolǵan oqiǵanyń mán-jaiy da jariialandy.
21 qazanda 8-synyp oqýshylary jataqhanada ózderin bir klass tómen oqyp júrgen balalardy soqqyǵa jyqqan. Bireýi bárin videoǵa túsirgen.
Alaida bilim berý mekemesiniń basshylyǵy quqyq qorǵaý organdary men kámelettik jasqa tolmaǵandardyń isteri jónindegi komissiiaǵa esep bermegen. Osylaisha, tiisti organdarǵa habar berý tártibi buzyldy.
Artynan video ata-analar chatynda tarady. Sóitip, 12 qarashada jergilikti pablikte jariialandy. Kelesi kúni kámelettik jasqa tolmaǵandardyń isteri jónindegi komissiianyń shuǵyl otyrysy ótti.
Al Aqmola oblystyq politsiia departamenti Qylmystyq kodekstiń 141-baby (Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tiisinshe oryndamaý) jáne 194-baby, 2-tarmaǵy (Qorqytyp alý, adamdar tobynyń aldyn ala sóz bailasýymen) boiynsha sotqa deiingi tergeýdi bastady.
