Qazaqstandyqtar messendjerlerde táýekeli bar jumystardy oryndaityn adamdardy ekpe saldyrmaýǵa shaqyrady. Buǵan mysal retinde olar temirjol vokzalynda jerge qulaǵan poiyz júrgizýshisin keltirip otyr. Video avtorynyń aitýynsha, mashinist COVID-19 qarsy vaktsina alǵan. Alaida buǵan eshqandai dálel joq, dep jazady Stopfake.kz saity.
Beineniń túpnusqasy aǵymdaǵy jyldyń 9 qazanynda BitChute video hostinginde jariialandy. Portal zorlyq-zombylyqqa, násildik jáne dini negizde jekkórýshilikke shaqyryp, qastandyq teoriialaryn taratýymen belgili.
BAQ-ta bul oqiǵa jaily aitylǵan joq.
Beine avtorynyń aitýynsha, oqiǵa Hiýstonda bolǵan. MetroHouston qalalyq kólik qyzmetiniń resmi saitynda da bul týraly jazylmaǵan.
Kompaniianyń áleýmettik jelilerdegi resmi paraqshalarynda da vaktsinatsiia nátijesinde mashinistiń qulaǵany týraly aqparat joq.
Kompaniianyń resmi saitynda COVID-19 juqtyrǵan qyzmetkerler týraly habarlamalar udaiy jańartylyp otyrady. Sońǵy aqparat 7 qazanda jariialanǵan. Onda federaldy zańǵa sáikes, kólik kompaniiasynyń barlyq qyzmetkerleri jolaýshylar siiaqty, betperde taǵýy tiis delingen. Mátinde qyzmetkerlerdi mindetti túrde vaktsinatsiialaý týraly aitylmaǵan.
Bizde videonyń shyǵýyna qatysty jáne kadrlarda ne bolyp jatqandyǵy týraly senimdi aqparat joq. Roliktiń avtory belgisiz, al vaktsinatsiianyń mártebesin ózin nashar sezinip turǵan mashinist emes, onyń ózi aitqan. Onyń ústine, videoda poiyz júrgizýshisiniń qulaǵan sáti kórinbeidi. Ol súrinip ketti nemese vaktsinatsiiamen bailanysty emes aýrýmen aýyrýy múmkin dep paiymdaýǵa bolady.
