Temirtaýdaǵy meiramhanana ieleri monitoringtik top ókilderin kirgizýden bas tartqan, dep habarlaidy "Ult aqparat".
9 tamyzda 102 pýltine Metallýrgter dańǵyly boiynda ornalasqan Temirtaýdaǵy Grand holl meiramhanasynda kópshilik jinalǵan is-shara ótip jatqany týraly habarlama kelip tústi. Oqiǵa ornyna monitoringtik top kelgen. Tekserýshilerdiń kózine túspeý úshin qonaqtar qyzmettik kireberisten shyǵyp, dalaǵa qashqan. Kýáger bul áreketti videoǵa túsirip, áleýmettik jelige ornalastyrdy.
«Monitoringtik top kelgen soń fakt rastaldy. Alaida, mekeme ákimshiligi ǵimaratqa kirýge ruqsat berýden bas tartty. Kelýshiler meiramhanadan qosalqy kireberis (jertóle) arqyly jasyryn túrde kete bastady. Meiramhana iesine 670 910 teńge aiyppul salynady», - dedi Temirtaý qalasy ákiminiń baspasóz hatshysy Gúlnur Ábdiǵalieva.
