video kadry
Jelide Almatydaǵy balalardy damytý ortalyǵyna qatysty daý shyqty, - dep habarlaidy Massaget.kz portaly.
TikTok-ta taraǵan videoda kishkentai qyzdyń anasy ortalyqty jáne onyń qyzmetkerin aiyptap jatyr.
"Mine, ortalyqqa keldik. Qyzym kólikten túsken boida jylai bastady, demek, esinde ǵoi. Ortalyq jáne onyń qyzmetkeriniń ústinen aryz jazamyn. Politsiia shaqyrdym, kútip otyrmyn. Negizi, bylai shý shyǵarǵym kelmedi, biraq balany kórip tursyz ǵoi", - deidi áiel videoda.
Keiin qyzdyń anasy videoda aryz jazyp otyrǵanyn, mekeme direktoryn, muǵalimin jáne zańgerin kórsetedi.
Bul oqiǵaǵa qatysty balalardy damytý ortalyǵynyń ókilderi pikir bildirgen. Olardyń aitýynsha, ortalyqqa qisynsyz jala jabylǵan.
"Keshe qyzdyń anasy jáne ýchaskelik politsiia qyzmetkerimen kezdestik. Ókinishke qarai, keleńsiz jaǵdaidy oilaǵanymyzdai rettei almadyq. Áiel kezdesýge aldyn ala negativ pikirmen kelgen soń, ózin shekten tys dóreki ustap, bizdiń qyzmetkerlerge til tigizip, kemsitti, odan basqa, aiqailap, balaǵat sózder aitty", - delingen jazbada.
Bala ortalyqta eki saǵattan asa ýaqyt otyrǵan. Mekeme qyzmetkerleriniń aitýynsha, bul ýaqytta bala ózin jaily sezinip, tynysh otyrǵan, bul videoda da kórinip tur.
"Biz jaǵdaidy sotaldy retteý boiynsha is-sharalarǵa qoldaý jasadyq jáne qyzdyń anasyna ádeii qoldan jasalǵan video úshin kórineý jalǵan aqparatty taratýdy toqtatý týraly talap jiberdik. Bul rette, osy ýaqytqa deiin balaǵa ziian keltirilgenin rastaityn resmi qujattar usynylmady, anasy málimdegen ortalyq pen onyń qyzmetkerlerine qatysty ózge de aiyptaýlar da dáleldenbedi. Osylaisha, áleýmettik jelidegi jazbalar - jalǵan. Qyzdyń anasy bizdiń ortalyqty qandai maqsatta qaralap jatqany túsiniksiz", - delingen jazbada.
Mekeme qyzmetkerleri tek rastalǵan aqparatqa senýdi surady.
"Áiel túsirgen videoda bala uryp-soǵý deregin joqqa shyǵaryp jatyr. Sondai-aq, bala ortalyqta anasynyń qasynda tynysh otyrǵany kórinedi. Qyzdyń anasynyń mundai emotsiialy jazbasyna berilmeýdi jáne tek tekserilgen, rastalǵan resmi aqparatqa senýińizdi suraimyz", - delingen habarlamada.
