Qazgidromet 22 tamyzǵa arnalǵan aýa raiy boljamyn jariialady, dep habarlaidy "Ult aqparat".
Qazaqstan aýmaǵynyń basym bóliginde antitsiklon áserinen jaýyn-shashynsyz aýa raiy kútiledi. Tek respýblikanyń soltústiginde, kúndiz batysy men ońtústik-shyǵysynyń taýly aýdandarynda atmosferalyq frontaldy bólikterdiń ótýimen naizaǵaimen jańbyr jaýady. Respýblika boiynsha kei jerlerde jel kúsheiedi, ońtústikte shańdy daýyl kútiledi, ońtústik-shyǵysta-burshaq bolady.
Qyzylorda oblysynyń ońtústik-shyǵysy men ońtústiginde túnde, kúndiz basym bóliginde jel 15-20 m/s deiin kúsheiedi shańdy daýyl bolady. Túrkistan oblysynyń batysynda jáne taýly aýdandarynda jel 15-20 m/s, shańdy daýylmen bolady. Kúndiz Jambyl oblysynyń taýly aýdandarynda naizaǵai, burshaq, soltústik-shyǵysynda shańdy daýyl, soltústik-shyǵysy men ońtústik-batysynda jel 15-20 m/s bolady. Pavlodar oblysynyń soltústiginde jáne soltústik-batysynda, kúndiz Batys Qazaqstan oblysynyń batysynda naizaǵai, jel 15-20 m/s bolady. Kúndiz Aqmola oblysynyń soltústi-shyǵysynda, Soltústik Qazaqstan oblysynyń shyǵysynda naizaǵai kútiledi. Qaraǵandy oblysynyń ońtústiginde jel 15-20 m/s kútiledi.
Kúndiz Atyraý, Batys Qazaqstan, Aqtóbe oblystarynyń basym bóliginde óte qatty ystyq saqtalady, Mańǵystaý, Qostanai oblystarynyń ońtústiginde, Aqmola, Soltústik Qazaqstan oblysynyń ońtústik-batysynda qatty ystyq boljanady.
Qyzylorda, Túrkistan, Mańǵystaý, Atyraý, Jambyl, Aqtóbe, Batys Qazaqstan, Almaty oblystarynyń basym bóliginde, Qaraǵandy oblysynyń kei jerlerinde, Qostanai, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady.
