Biylǵy jyldyń jazǵy shomylý maýsymynda Qazaqstan boiynsha 319 adam sýǵa batyp ketken. Onyń ishinde 95 kámeletke tolmaǵan bala bar, dep habarlaidy "Ult aqparat".
Bul málimetter QR Tótenshe jaǵdailar ministrliginiń baspasóz qyzmeti tartqan aqparattan málim boldy.
Baspasóz qyzmetine málimetterine qaraǵanda, jazǵy shomylý maýsymynda balalardyń sýǵa batyp ketý jaǵdailaryny 82% ata-analardyń balalaryn qaraýsyz qaldyrýynan bolǵan.
Al jalpy sýǵa ketkender týraly aitatyn bolsaq, onyń negizgi sebebibirinshi kezekte óz kúshin jete baǵalamaýmen bailanysty. Mundai jaǵdai biyl 170 ret bolǵan. Mas kúiinde shomylyp sýǵa ketkender – 73, sý aidynyna qulaý – 68, júze almaýdyń saldaryna mert bolǵandar – 34, balyq aýlaý kezinde qaýipsizdik qaǵidalaryn buzyp kóz jumǵandar – 24, sýǵa batqandardy qutqarý kezinde 13 adam mert boldy. Júzý quraldaryn paidalaný kezinde qaýipsizdik qaǵidalaryn buzǵan 8 adam ómirimen qoshtasty.
«Sýǵa shomylý maýsymynyń aiaqtalýyna qaramastan, qutqarýshylar sý aidyndarynda adamdardyń óliminiń aldyn alý boiynsha profilaktikalyq jumysty jalǵastyrýda, óitkeni kúzgi kezeńniń bastalýymen ań aýlaý jáne balyq aýlaý maýsymy bastalady», - QR TJM baspasóz habarlamasynda.
