Foto: TJM
Batys Qazaqstan oblysynda qutqarýshylar táýlik boiy jumys istep jatyr, dep habarlaidy «Ult aqparat» TJM baspasóz qyzmetine silteme jasap.
Kúndiz saiajai alqaptarynda qalyp qoiǵan adamdardy evakýatsiialaý jumystary júrgizilse, qazirgi ýaqytta olar qaptardy inertti materialdarmen toltyrý jáne tóseý boiynsha jaǵalaýdy qosymsha nyǵaitý jumystaryn júrgizýde.
Qaraǵandy oblysynyń kúshteri men quraldary BQO ýchaskesinde Vishenka saiajaiynda, Melovye gorki, jáne Miasokombinat saiajailaryndaǵy sý tasqynyna qarsy jumystarǵa jumyldyryldy.
Oraldyń Samal shaǵyn aýdanynda Mańǵystaý oblysy TJD jiyntyq toby bógetti nyǵaitý maqsatynda qaptardy jaǵalaý qorshaýyn inertti materialdarmen toltyrý jáne tóseý boiynsha jumystardy jalǵastyrýda.
Jaiyq ózeninde sý deńgeii 8 santimetrge kóterilip, 858 santimetr boldy. Qutqarýshylar bógetter turǵyzyp, nyǵaitty. Ýaqytsha topyraq úiindileri jabdyqtaldy.
