Sýret: Atyraý oblysynyń ákimdigi
Atyraý oblysynda Jaiyq ózeniniń sý deńgeii kóterilip, aimaqqa kelgen Qyzylorda oblysynyń tótenshe jaǵdailar kúshi bógetterdi nyǵaityp jatyr.
«Atyraý oblysy Inder aýdany Inderbor eldimekeni Jaiyq ózeninde sý deńgeii kóterilip jatyr. Qazir Qyzylorda oblysy TJD kúshimen bógetti nyǵaitý jumystary júrgizilip jatyr», – delingen Tótenshe jaǵdailar ministrliginiń habarlamasynda.
9 mamyrda Atyraý oblysynyń Qulsary qalasynda sý basqan aýmaqtardan sý sorý jáne dezinfektsiialyq jumystar táýlik boiy jalǵasty. Qulsary qalasynda aýdany 76 500 sharshy metr sý basqan aýmaqtarda dezinfektsiialaý júrgizdi.
Jaiyq ózenindegi sý deńgeiiniń kóterilýin Atyraý oblysy airyqsha baqylaýǵa alyp, monitoring jalǵasýda. Óńirdegi 111 sektorda tasqynnyń aldyn alý sharalary júzege asýda. Atyraý oblysy ákimdiginiń málimeti boiynsha Aqsai, Kóktem aýyldaryndaǵy bógetti nyǵaitý jumysy aiaqtalyp qaldy. Jaiyq-Kaspii arnasy tereńdetilýde.
Avariialyq-qutqarý jáne sý tasqynyna qarsy jumystarǵa 21 myńnan astam adam, 2 myńnan astam túrli tehnika, 615 sý sorý jáne júzý quraly, 8 áýe kemesi jumyldyryldy.
Sý tasqyny bastalǵaly beri 12 mln astam tekshe metr erigen qar sýy soryp shyǵaryldy, 6,6 mln astam qapshyq jáne 1,5 mln astam tonna inertti material tóseldi.
