Ońtústik Grýziiada naizaǵai soǵyp, Abýl taýynda jaiylǵan 550-den astam qoidy óltirdi. Bul týraly Sputnik Grýziia saity habarlady.
Oqys oqiǵadan keiin qalalyq ákimdikte qoilardyń jappai qyrylýy máselesin zertteitin arnaiy top quryldy.
«Shynymdy aitsam, mundai jaǵdai birinshi ret bolyp otyr. Naizaǵaidyń osynshama qoidy jairatqany týraly buǵan deiin estigen joqpyz. Árine, meriia qoldaý kórsetedi, biraq aldymen fermerdiń ózi jappai ólimniń sebebin dál anyqtaý úshin mamandardyń qorytyndysyn ákelýi kerek», - deidi Ninotsminda meriniń orynbasary Aleksandr Mikeladze.
Sondai-aq ol 150-ge jýyq qoidyń Tambovka aýylynyń jergilikti turǵynyna, qalǵany basqa mýnitsipalitettiń fermerine tiesili ekenin aitty. Jaiylym aýyldan birneshe shaqyrym jerde ornalasqan.
Qoidyń ólekseleri birden sol jerde órteledi, óitkeni taýdan olardy túsirý múmkin emes. Kólik mundai biiktikke kóterile almaidy.
