Sinoptikter 21-23 qazanyna arnalǵan aýa-raiy boljamyn jariialady, dep habarlaidy "Ult aqparat" Qazgidrometke silteme jasap.
«Reseidiń Mýrmansk qalasy jaǵynan kelgen jańbyr men qar aralas tsiklon saldarynan 22 qazanda elimizdiń shyǵysynda, ońtústiginde jáne ońtústik-shyǵysyndaǵy taýly aýdandarda nóser jaýyn jaýady, kóktaiǵaq bolyp, jeldiń kúsheiedi, soltústikte, ortalyqta jáne shyǵysta boran soǵýy yqtimal. Oǵan qosa, aýa temperatýrasy túnde -3, +2 gradýsqa deiin tómendeidi, kúndiz 2-10 gradýs aralyǵynda bolady», delingen habarlamada.
22 qazannan bastap elimizdiń batys óńirlerine antitsiklon áser etedi. Osyǵan bailanysty jaýyn-shashyn birtindep toqtap, kúndiz aýa temperatýrasynyń 15-22 gradýsqa deiin kóterilýi múmkin.
