Jambyl oblysy boiynsha «Biznestiń jol kartasy-2020» baǵdarlamasy aiasynda biyl 158 jas kásipker qaitarymsyz grant utyp aldy, dep habarlaidy "Ult aqparat".
Atalǵan granttarǵa bólingen qarjyny tiimdi paidalanýdy úilestirý basty talaptardyń biri bolyp otyr. Osy oraida oblystyq «Atameken» kásipkerlik palatasy jas kásipkerlerge jol kórsetý maqsatynda jiyn ótkizip, jas kásipkerlerge keńes berdi.
Kásipkerlikti damytýǵa negizdelgen bul joba – jumyssyz júrgen jáne ózin-ózi jumyspen qamtyp otyrǵan turǵyndardy óz kásibin bastaýǵa úndeidi. Sol arqyly aýyl, qala turǵyndarynyń ekonomikalyq belsendiligin arttyrý. Jastar jyly aiasynda júzege asyrylyp otyrǵan jobaǵa 324 million teńge qarastyrylǵan bolatyn. Barlyǵy 466 tyń ideialar usynylsa, onyń 158-i komissiia músheleriniń kóńilinen shyqqan.
«Grant qarajaty 1 jyl ishinde igerilýi kerek. Bólingen qarjy durys jumsalýy erekshe baqylaýda bolady. Budan bólek, usynylǵan joba aiasynda jumys oryndary ashylyp, grant iesi ári qarai kásibin dóńgeletip áketýi tiis», - deidi oblystyq kásipkerlik jáne indýstriialdy-innovatsiialyq damytý basqarmasy basshysynyń orynbasary Jandáýlet Kenjebekov.
Mamandar grant ieleri óz maqsattaryna erekshe jaýapkershilikpen kirisýdi kózdep otyrǵanyn aitady. Kóp uzamai olar óz jobalaryn iske asyryp, el damýyna úles qosady degen senim mol.
