Kioto ýniversitetiniń mamandary Pfizer vaktsinasynyń tiimdiligi 85-96% dep baǵalady. Bul týraly QazAqparat Japoniianyń NHKtelearnasyna silteme jasap habarlaidy.
Kioto ýniversitetiniń bir top zertteýshisi jazda zertteý júrgizip, koronavirýs juqtyrǵan 10 myńnan astam adamnyń málimetin taldap shyqqan. Infektsiiaǵa shaldyqqandardyń kóp bóligi vaktsina almaǵan bolyp shyqty, bul japondyq mamandarǵa preparattyń tiimdiligin zertteýge jaqsy múmkindik berdi.
Zertteý barysynda Pfizer vaktsinasyn saldyrtqan 20-60 jas aralyǵyndaǵy er adamdar arasynda onyń tiimdiligi 89,6-93,4%, al 60 jastan asqan er adamdar arasynda - 94,7-96,9% deńgeiinde boldy. 20-60 jas aralyǵyndaǵy áiel adamdar arasynda preparat tiimdiligi 85,4%-91,8%, al 60 jastan asqandar arasynda – 92,6-96,1% bolǵan.
Japon ǵalymdary zertteýdiń elde «delta» shtamynyń keńinen taralýy kezinde júrgizilgenin atap ótip, vaktsinanyń bul juqpaly nusqaǵa qarsy tiimdiligi óte joǵary, dep otyr. Qazirgi kezde Japoniia turǵyndarynyń kem degende 50 paiyzy koronavirýsqa qarsy vaktsinanyń eki túrli preparatyn saldyrtqan.
Japoniiada britandyq-shvetsiialyq AstraZeneca vaktsinasy jáne Amerika men Germaniianyń Pfizer jáne BioNTech kompaniialary konsortsiýmynyń, sondai-aq amerikandyq Moderna kompaniiasynyń vaktsinalary qoldanylýda.
