Japoniianyń JR East temirjol kompaniiasynyń qyzmetkerleri alǵash ret ózdiginen basqarylatyn júiesi bar «sinkansen» ekspresin synaqtan ótkizdi, dep habarlaidy QazAqparat Kyodo agenttigine silteme jasap.
Sársenbi kúni tańerteń júrgizilgen synaq kezinde 12 vagony bar shapshań júretin poiyz júrgizýshisi avtomatty rejimge ótkizgen soń, qolmen qandai da bir aralasýsyz jumys istedi. E7 seriiasyndaǵy poiyz dispetcherlik pýnkten qashyqtyqtan basqarylǵan.
Bul – Japoniiada óte shapshań júretin poiyzdyń avtonomdyq jumysynyń alǵashqy synaǵy.
Túpki maqsaty mashinistsiz júretin poiyz bolǵanymen, sársenbide ótkizilgen synaq kezinde qandai da bir tótenshe jaǵdaiǵa ázir bolý úshin onyń ishinde birneshe júrgizýshi men qyzmetker bolǵan.
Niigata stansasynan 5 shaqyrymǵa jýyq joldan ótip, berilgen maksimaldy jyldamdyq – saǵatyna 110 shaqyrymǵa jetken poiyz sinkansen Niigata vokzalynda toqtady.
JR East resmi ókili avtonomdy poiyzdyń toqtaý ádisi mashinist jumysyna «teń keletinin» aityp, kompaniia ony áli de jetildirý jumystaryn júrgizetinin qosyp ótti.
Japoniiada temir jolda avtomatty basqarý júieleri jerdegi jáne ótkelderi joq keibir monorelsti joldarda engizilgen.
